फ्रान्समा नवनिर्वाचित राष्ट्रपति इम्यानुएल म्याक्रोनको पार्टी महत्वपूर्ण जित दर्ता
प्रकाशित मिति : जेष्ठ २९, २०७४ सोमबार
काठमाडौं । फ्रान्समा भएको पहिलो चरणको संसदीय चुनावमा नवनिर्वाचित राष्ट्रपति इम्यानुएल म्याक्रोनको पार्टीले महत्वपूर्ण जित दर्ता गर्ने विश्लेषण गरिएको छ ।
आइतबार भएको पहिलो चरणको संसदीय चुनावमा म्याक्रोनको पार्टी ला रिपब्लिक एन मार्चेले बहुमत सिटमा जित निकाल्ने मतदानपछिका सर्वेक्षणले देखाएको छ । संसदका ५ सय ७७ सिटमा म्याक्रोनको पार्टी र मोडेम गठबन्धनले ४ सय ४५ भन्दा बढी सिटमा जित निकाल्ने सर्वेक्षणले देखाएको छ । झण्डै १४ महिनाअघि पार्टी गठन गरेर चुनावी अभियानमा लाग्नुभएको म्याक्रोन गएको महिना भएको राष्ट्रपतीय चुनावमा विजयी हु“दै कम उमेर राष्ट्रपति बन्ने फ्रान्सको पहिलो व्यक्ति बन्नुभएको थियो । ३९ वर्षका म्याक्रोनको पार्टी र मोडेमले गठबन्धन बनाएर संसदीय चुनावमा उम्मेदवारी दिएका छन् । दोस्रो चरणको संसदीय चुनाव आगामी आइतबार हुनेछ । त्यसपछि मात्रै संसदको अन्तिम परिणाम थाहा हुनेछ । तर राजनीतिको निकै कम वा अनुभव नै नभएका व्यक्ति उम्मेदवार बने पनि म्याक्रोनको पार्टीका उम्मेदवार प्रति मतदाताको आकर्षण उच्च रहेको छ ।