अन्तिम मौका : १४ सयको राहत चेकका लागि साइनअप गर्ने म्याद ५ दिनमात्र
प्रकाशित मिति : पुस ११, २०७८ आईतबार
अमेरिकनहरुसँग १४ सय डलरको थपिएको राहत चेक प्राप्त गर्नका लागि साइनअप गर्ने डेडलाइन डिसेम्बर ३१ सम्ममात्र रहेको छ । उक्त अवधिभित्र साइनअप नगर्ने निश्चित व्यक्तिले यो राहत रकम गुमाउने सम्भावना समेत रहनेछ ।
यो रकम राष्ट्रपति जो बाइडेनले गत मार्चमा हस्ताक्षर गरेको अमेरिकन रेस्क्यु एक्टको एउटा भाग हो । यो प्याकेज अनुशार प्लस अप चेकका लागि योग्य हुनेहरुले १४ सय डलर राहत रकम प्राप्त गर्छन् ।
सन् २०१९ को ट्याक्स फाइलका आधारमा विगतमा राहत चेक पाएकाहरुलाई १४ सय डलरको यो चेक पठाइएको छ । त्यस्तै सोसल सेक्युरिटी प्रशासनबाट प्राप्त सुचनाका आधारमा पनि यो चेक पठाइएको छ । सुरुको राहत चेकका लागि आम्दानीका कारण योग्य नभएकाहरु यो रकमका लागि योग्य हुन सन् २०१९ को तुलनामा सन् २०२० मा कम आम्दानी गरेको हुनुपर्छ ।
उदाहरणका लागि यदि सन् २०२० को ट्याक्स फाइल गर्दा कम आम्दानी गरेको वा डिपेन्डेन्ट थपिएको जस्ता केही परिवर्तन भएमा त्यस्ता व्यक्ति यो रकमका लागि योग्य हुन सक्नेछन् । आइआरएसले डिसेम्बर ३१ सम्म साइनअप नगर्नेहरुका लागि चेक जारी गर्नेछैन ।
सन् २०२० को ट्याक्स फाइल गरेकाहरुका लागि भने यो झन्झट हुँदैन । आईआरएसले सन् २०२० को ट्याक्स फाइलका आधारमा नै यो रकमका लागि योग्य भए नभएको निर्धारण गर्छ ।