अमेरिकाको मिनेसोटमा एउटा घरभित्र भेटियो सातजनाको शव, तीनजना बालबालिका समेत
प्रकाशित मिति : पुस ४, २०७८ आईतबार
अमेरिकाको मिनेसोटमा एउटा घरमा सातजनाको शव फेला परेको छ । प्रहरीले शनिबार राती उनीहरुको शव फेला पारेको जनाएको छ । क्ले काउन्टीको मुर हेडमा उक्त घटना भएको हो ।
मृतकहरुमध्ये ४ जना बयस्क र ३ जना बालबालिकाहरु रहेको जनाइएको छ । मृतक सातैजनाको नातासम्बन्धबारे केही खुलाइएको छैन ।
प्रहरीले घटनाबारे थप अनुसन्धान गरिरहेको जनाएको छ । घरभित्र कुनै जर्बजस्ती वा हिंशाको घटना भएजस्तो नदेखिएको प्रहरीको भनाई छ ।
सातैजनाको शव राम्से काउन्टीको मेडिकल परीक्षकको कार्यालयमा पठाइएको छ । त्यहाँ पोष्टमार्टमपछि उनीहरुको मृत्युको कारण निर्धारण गरिनेछ ।
मृतकको परिचयपनि अहिलेसम्म खुलाइएको छैन ।