फ्लोरिडा आउँदै गरेको जेट दुर्घटना हुँदा संगीत निर्मातासहित अमेरिकन नागरिकहरुको मृत्यु
प्रकाशित मिति : पुस १, २०७८ बिहीबार
फ्लोरिडा आउँदै गरेको जेट डोमेनिक रिपब्लिकमा दुर्घटना हुँदा पोर्तोरिकन संगीत निर्मातासहित अमेरिकी नागरिकहरुको मृत्यु भएको छ । दुर्घटनामा ९ जनाको मृत्यु भएको जनाइएको छ ।
दुर्घटनामा पोर्तोरिकन संगीत निर्माता फ्लो ला मुभी, उनकी पत्नी र ४ बर्षका छोराको निधन भएको हो । ७ जना यात्रु र २ जना जेटका कर्मचारीहरु रहेको उक्त जेट फ्लोरिडाको ओल्र्याण्डो आउन लागेको थियो ।
जेट उडेको केही वेरमा नै आकस्मिक अवतरण गर्न खोज्दा दुर्घटना भएको जनाइएको छ । के कारणले दुर्घटना भएको हो भन्नेबारे अहिलेसम्म केही बताइएको छैन ।
संगीत निर्माता फ्लो ला मुभीको वास्तवीक नाम होजे एन्जेल हर्नान्डेज हो । उनी आफ्ना ६ जना आफन्तहरुसहित जेटमा चढेका थिए ।