अमेरिकामा नोभेम्बरको मूल्यबृद्धि ४ दशककै बढी, गतबर्षको तुलनामा ६.८ प्रतिशत बृद्धि
प्रकाशित मिति : मंसिर २४, २०७८ शुक्रबार
अमेरिकामा नोभेम्बरमा मूल्यबृद्धि झण्डै ४ दशककै इतिहासमा सबैभन्दा उच्चबिन्दुमा पुगेको छ । गतबर्षको तुलनामा भने यो मूल्यबृद्धि ६ दशमलव ८ प्रतिशले बढी हो । शुक्रबार ब्यूरो अफ लेबरले यसबारेको औपचारिक तथ्यांक सार्वजनिक गरेको हो ।
अक्टोबरको तुलनामा यो मूल्यबृद्धि शुन्य दशमलव ८ प्रतिशतले बढी रहेको छ । अमेरिकी अर्थतन्त्रमा मुद्रास्फीति फैलिदै गर्दा मूल्यबृद्धि पनि उच्च बिन्दुमा पुगेको हो । विगतमा कोरोना महामारीले प्रभाव नपारेका क्षेत्रमा समेत अहिले मुद्रास्फीति देखिएको छ ।
घरको मूल्यबृद्धिसँगै भाडाबृद्धि पनि उकालो लागिरहेको छ । उर्जा र प्रयोग गरिएका कारमा पनि केही महिनादेखि उल्लेख्य मूल्यबृद्धि भइरहेको छ । त्यस्तै खाद्यान्न र गाडीको मूल्यपनि बृद्धि भइरहेको छ । खाद्य कम्पनीहरुले आफ्ना उत्पादनमा मूल्यबृद्धिको घोषणा गरिसकेका छन् भने अमेरिकामा डलर ट्री स्टोरले अधिकांश उत्पादनको मूल्य बढाएर १ डलर २५ सेन्टस बनाएको छ ।
प्छिल्लो पटक यो स्तरको मूल्यबृद्धि सन् १९८२ मा भएको थियो । ह्वाइट हाउस र संघीय अधिकारीहरुले यो मूल्यबृद्धि स्थायी नहुने बताएका छन् । यदि आवश्यक परेमा मुद्रास्फीति नियन्त्रणका लागि उचित कदम चालिने बताएका छन् ।
ऋमेरिकामा मूल्यबृद्धि उच्च बिन्दुमा पुगिरहँदा बाइडेन प्रशासनको स्वीकृति दर पनि अत्यन्तै न्यून बिन्दुमा पुगेको छ । सन् २०२२ को चुनावभन्दा अगाडि मुद्रास्फीति मतदाताहरुका लागि पनि मुख्य चासोको विषय बनेको छ ।