ओमिक्रोन’ भेरियन्ट ५७ मुलुकमा फैलियो : विश्व स्वास्थ्य संगठन
प्रकाशित मिति : मंसिर २२, २०७८ बुधबार
विश्व स्वास्थ्य संगठन (डब्ल्यूएचओ)ले कोरोना भाइरसको ‘ओमिक्रोन’ भेरियन्ट ५७ मुलुकमा फैलिएको जनाएको छ । बुधबार (आज) डब्ल्यूएचओले हालसम्म ओमिक्रोन भेरियन्टका संक्रमित ५७ मुलुकमा पुष्टि भएको जनाएको हो ।
डब्ल्यूएचओले ‘ओमिक्रोन’ भेरियन्ट फैलिने क्रम जारी रहेको र अस्पतालमा भर्ना हुने मानिसको संख्या बढ्न सक्ने समेत जनाएको छ । डेल्टा भेरियन्ट जत्तिकै वा सोभन्दा कम गम्भीर हुने देखिएपनि संक्रमितहरु अस्पताल भर्ना हुनेको संख्या बताएको छ ।
केही समय अगाडि मात्रै डब्ल्यूएचओ र अमेरिकाका शीर्ष वैज्ञानिकहरूले ‘ओमिक्रोन’ अन्य भाइरस संस्करणहरु भन्दा खराब नभएको जानकारी दिइसकेका छन् । साथै ओमिक्रोन भेरियन्ट गम्भीरतालाई न्याय गर्न थप अनुसन्धान आवश्यकता रहेको बैज्ञानिकहरुले बताएका छन् ।
ओमिक्रोनको त्रासले कैयौ राष्ट्रहरूलाई सीमा प्रतिबन्धहरु पुनः लागू गर्न बाध्य तुल्यायो र आर्थिक रूपमा दण्डित तालाबन्दीको फिर्ताको सम्भावना बढाएको छ ।
डब्लूएचओको आपतकालिन निर्देशक माइकल रायनले एक अन्तर्वार्तामा भनेका छन्, ‘प्रारम्भिक तथ्याङ्कले यो धेरै गम्भीर छ भन्ने संकेत गर्दैन ।हामीसँग अत्यधिक प्रभावकारी खोपहरू छन् जुन अहिलेसम्मका सबै भेरियन्टहरुविरुद्ध प्रभावकारी साबित भएका छन् ।’
यसैगरी अमेरिकी वैज्ञानिक एन्थोनी फौसीले डब्ल्यूएचओको दृष्टिकोणलाई प्रतिध्वनित गर्दै ओमिक्रोन प्रारम्भिक संकेतहरुको आधारमा अघिल्लो स्ट्रेन भन्दा खराब नदेखिएको र सम्भवतः हल्का भएको बताएका छन् ।