Follow @khasokhasmag

डेल्टा एयरलाइन्समा महिलाले बिरालोलाई स्तनपान गराएपछि यात्रुहरु त्रसित


प्रकाशित मिति : मंसिर १८, २०७८ शनिबार

डेल्टा एयरलाइन्समा एक महिलाले बिरालोलाई स्तनपान गराएपछि यात्रुहरु त्रसित भएका छन् । न्युयोर्कको सिराकसबाट एटलान्टा गइरहेको विमानमा उक्त घटना भएको हो ।

सिट नम्बर १३ एमा बसिरहेका एकजना यात्रुले रौं नभएको बिरालोलाई स्तनपान गराएको देखेपछि विमानका कर्मचारीले बिरालोलाई बिरालो बोक्ने झोलामा राख्न यात्रुसमक्ष अनुरोध गरेका थिए । तर ती यात्रुले विमानका कर्मचारीको अनुरोध अस्वीकार गरेको जनाइएको छ ।

त्यसपछि विमानबाट झर्ने बित्तिकै बिरालोलाई स्तनपान गराउने महिलालाई एटलान्टामा रेड कोट टिमले नियन्त्रणमा लिएको थियो । विमानका कर्मचारीका अनुशार ति महिलाले रौं नभएको बिरालोलाई कम्बलले ढाकेर स्तनपान गराउन खोजेकी थिइन् । कम्बलभित्र उक्त बिरालो मान्छेको बच्चा जस्तो देखिएको थियो ।

बिरालो निस्सासिएको र जीवनका लागि चिच्याएको विमानका कर्मचारीको भनाई छ । एटलान्टामा अवतरण भइसकेपछि ती महिला र बिरालोलाई के गरियो भन्नेबारे भने खुलाइएको छैन ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com