Follow @khasokhasmag

अमेरिकी विदेशमन्त्रालयबाट दूतावास र कन्सुलेटलाई भिसाको प्राथमिकताबारे तजविज अधिकार प्रदान


प्रकाशित मिति : मंसिर ६, २०७८ सोमबार

अमेरिकी विदेशमन्त्रालयबाट अमेरिकी दूतावास र कन्सुलेटलाई भिसाको प्राथमिकताबारे तजविज अधिकार प्रदान गरिएको छ । सन् २०२० को नोभेम्बरमा विभिन्न भिसाको प्राथमिकता निर्धारण गरिएकोमा उक्त प्राथमिकता अदालतले खारेज गरिदिएको थियो ।

अब कुन भिसा प्राथमिकताका साथ जारी गर्ने भन्ने सन्दर्भमा अमेरिकी दूतावास र कन्सुलेटले तजविज अधिकार प्रयोग गर्न सक्ने अमेरिकी विदेश मन्त्रालयले जनाएको छ । पुरानो प्राथमिकता अनुशार डाइभर्सिटी भिसा र रोजगारमा आधारित भिसालाई सबैभन्दा कम प्राथमिकता दिइएको थियो भने अमेरिकी नागरिकका परिवारका सदस्यहरुलाई दिइने भिसा उच्च प्राथमिकतामा राखिएको थियो ।

विदेश मन्त्रालयको ब्यूरो अफ कन्सुलर अफेयर्सले सबै कन्सुलर सेवामा भिसा अन्तरवार्ताका लागि प्रतिक्षा अवधि घटाउन ध्यान केन्द्रीत गर्ने जनाएको छ । स्थानीय अवस्था र कोरोना सम्बन्धित प्रतिबन्धहरुलाई ख्याल गरेर अबदेखि स्थानीय दूतावास र कन्सुलेटहरुले आफूहरुले चाहेको भिसा श्रेणीलाई तजविज अधिकारका आधारमा अन्तरवार्ता तय गर्न सक्नेछन् ।

विगतमा प्राथमिकतामा आधारमा भिसा जारी गर्दा कैयन डिभी विजेताहरुले भिसा पाउन सकेका थिएनन् भने रोजगारमा आधारित आप्रवासी भिसा आवेदकहरु पनि लामोसमयदेखि प्रतिक्षारत थिए । त्यस्तै ग्रिनकार्ड वाहकका दम्पत्ति र २१ बर्ष नपुगेका छोराछोरीहरुको आवेदनको ब्याकलग पनि चर्को रहेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com