टेक्सासको विद्यालयमा गोली चल्यो, १८ बर्षीय बन्दुकधारी हिराशतमा
प्रकाशित मिति : आश्विन २०, २०७८ बुधबार
टेक्सासको टिम्बरभ्यु हाइस्कुलमा गोली चलेको छ । गोलीकाण्डमा कम्तीमा ४ जना घाइते भएको प्रहरीले जनाएको छ । यो हाइस्कुल डलास र फोर्टवर्थ नजिक आर्लिङटनमा रहेको छ ।
घाइतेमध्ये १५ बर्षका छात्रको अवस्था गम्भिर रहेको छ । अर्की टीनएजर छात्रा सामान्य घाइते भएकी थिइन् भने उनलाई अस्पतालबाट डिस्चार्ज गरिसकिएको छ । सामान्य घाइते २५ बर्षका पुरुषले आफू ठीकठाक रहेको बताएका छन् । एकजना गर्भवती महिलापनि घटनास्थलमा लडेको र उनको त्यही उपचार गरिएको जनाइएको छ ।
गोली चलाउने संदिग्ध व्यक्तिलाई प्रहरीले नियन्त्रणमा लिएको छ । गोली चलाउने व्यक्ति १८ बर्षको तिमोथी जर्ज सिम्पकिन्स रहेको प्रहरीले जनाएको छ । घटनास्थलमा प्रहरी र एफबीआई परिचालन गरिएको थियो ।
The suspect has been taken into custody without incident and charged with multiple counts of Aggravated Assault with a gun. Most students have been safely evacuated from Timberview High School. Thank you for everyone’s help. pic.twitter.com/h9Zs8Zxpze
— Arlington Police, TX (@ArlingtonPD) October 6, 2021
गोली चलाउने व्यक्ति पीएफवाई ६२६० नम्बरको २०१८ सिल्भर डोज चार्जर गाडीमा चढेर भागेको र पछि प्रहरीले कुनै घटनाविना नै नियन्त्रणमा लिएको जनाएको छ । घाइते २ जना विद्यार्थी र एकजना शिक्षक रहेको जनाइएको छ ।
गोली चलाउने व्यक्ति पनि विद्यार्थी नै रहेको र विवादपछि उसले हतियार निकालेर चलाएको हुनसक्ने प्रहरीको भनाई छ । बन्दुकधारीले विद्यालयभित्र कसरी बन्दुक लैजान सम्भव भयो भन्नेबारे आफूलाई केही थाहा नभएको प्रहरीले जनाएको छ ।
अमेरिकामा एकबर्षमा बन्दुक हिंशामा ४३ हजार बढीको मृत्यु
हालै एफबीआईले बार्षिक अपराध रिपोर्ट सार्वजनिक गर्दै अघिल्लो बर्षको तुलनामा सन् २०२० मा अमेरिकामा नरसंहारमा २९ दशमलव ४ प्रतिशतले बृद्धि भएको जनाएको थियो । सन् १९६० को दशकदेखि एफबीआईले अपराध रेकर्ड राख्न थालेयता नै अघिल्लोबषएको तुलनामा यति धेरै अपराधमा बृद्धि भएको पहिलोपटक भएको जनाइएको छ ।
सन् २०२० मा अमेरिकाभर २१ हजार ५ सय ७० नरसंहारका घटना भएको रिपोर्टमा उल्लेख छ । त्यस्तै अमेरिकामा सन् २०२० मा १३ लाख हिंशात्मक अपराधका घटनाहरु भएका छन् । जुन सन् २०१९ को तुलनामा ५ प्रतिशतले बढी हो । गतबर्ष २१ हजार ५ सयभन्दा धेरै हत्याका घटनाहरु भएका छन् । एकबर्षमा यति धेरै नससंहारका घटनाहरु सन् १९९० को मध्ययता पहिलोपटक रेकर्ड गरिएको हो ।
सन् १९८० र सन् १९९० को दशकमा भने अमेरिकामा नरसंहारका घटना सबैभन्दा बढी देखिएका थिए । त्यतीबेलाको तुलनामा भने हत्यादर ४० प्रतिशतले कम रहेको छ । रिपोर्ट अनुशार सन् २०२० मा नरसंहारका घटनाहरु जुन र जुलाईमा उच्च देखिएका थिए । त्यसपछिका महिनाहरुमा बढ्दै गएको देखिएको छ ।
एफबीआईएले हरेकबर्ष अपराधबारेको तथ्यांक रिपोर्ट तयार गर्नका लागि कानून कार्यान्वायन एजेन्सीहरुबाट अपराधबारेका तथ्यांकहरु संकलन गर्दै आएको छ । झण्डै १८ हजार त्यस्ता एजेन्सीहरुमध्ये सन् २०२० मा १५ हजार ८ सय ७५ ले अपराधका तथ्यांकहरु एफबीआईएलाई दिएका थिए । एजेन्सीहरुले तथ्यांक बुझाएको दर ८५ प्रतिशत रहेको थियो । त्यसैले यो रिपोर्ट केही अपूरो रहेको छ । यद्यपी यसले अमेरिकामा अपराधको परिदृश्यलाई भने झल्काएको छ ।
तर एफबीआईएले अपराधबारे भएका विभिन्न सर्वेक्षणमा पनि नजर राख्दै आएको छ । अपराध न्याय र कोभिड १९ का लागि राष्ट्रिय आयोगले गरेको एउटा सर्वेक्षणमा पनि अमेरिकामा नरसंहारका घटनामा ३० प्रतिशतले नै बृद्धि भएको देखाइएको छ । नरसंहारका घटनाहरु बन्दुक हिंशाका घटनासँग जोडिएका छन् । सन् २०१९ मा बन्दुक हिंशाका घटनामा ३९ हजार ५ सय ३८ जनाको मृत्यु भएको थियो भने सन् २०२० मा ४३ हजार ५५९ जनाको मृत्यु भएको थियो । जुन अघिल्लो बर्षको तुलनामा झण्डै ४ हजारले बढी हो ।
यूसीआरको रिपोर्ट अनुशार अमेरिकामा सन् २०२० मा भएका ७७ प्रतिशत हत्याका घटनामा बन्दुकको प्रयोग भएको थियो । सन् २०१९ मा भने ७४ प्रतिशत हत्याका घटनामा बन्दुकको प्रयोग भएको थियो । बन्दुक बिक्रिबारे कुनै तथ्यांक नभएपनि कोरोना महामारीमा अमेरिकामा बन्दुकको बिक्रिमा उल्लेख्य बिक्रि भएको स्वतन्त्र सर्वेक्षणहरुले देखाएका छन् ।