Follow @khasokhasmag

तेश्रो डोज फाइजर भ्याक्सिन सिफारिस गर्न एफडीएबाट अस्वीकार


प्रकाशित मिति : आश्विन २, २०७८ शनिबार

अमेरिकाको एफडीएले १६ बर्षमाथिकालाई कोरोनाबिरुद्धको भ्याक्सिन फाइजरको तेश्रो बुस्टर डोज सिफारिस गर्न अस्वीकार गरेको छ । भ्याक्सिन लगाएको ६ महिना वा त्यो भन्दा बढी समय भएकाहरुलाई फाइजरको बुस्टर डोजका लागि एफडीएको सल्लाहकार प्यानलले असहमति जनाएको हो । कम उमेरका बयस्कहरुलाई तेश्रो डोज सिफारिस गर्न अस्वीकार गरिएपनि बढी उमेरका बयस्कलाई तेश्रो डोज सिफारिस गर्नेबारे भने बहस जारी राखिने भएको छ ।

फाइजरको भ्याक्सिन उत्पादक कम्पनीले तेश्रो डोज स्वीकृत गर्नका लागि एफडीए समक्ष आवेदन दिएको थियो । १६ बर्ष नाघेका र भ्याक्सिनको दोश्रो डोज लगाएको ६ महिना नाघेकाहरुलाई तेश्रो बुस्टर डोजका लागि स्वीकृति प्राप्त गर्न फाइजरले आवेदन दिएको थियो । एफडीएको यो निर्णपछि सेप्टेम्बर २० पछि बुस्टर डोज उपलब्ध हुने बाइडेन प्रशासनको अपेक्षा प्रभावित हुने भएको छ ।

एफडीएका सल्लाहकार प्यानलका विज्ञहरुले अहिले नै तेश्रो डोजका लागि स्वीकृति प्रदान गरिने अत्यन्तै छिटो हुने बताएका छन् । भ्याक्सिनले जे अपेक्षा गरिएको थियो त्यही काम गरिरहेको उनीहरुको भनाई छ । फाइजरले पनि भ्याक्सिन लगाएको ६ महिना पूरा हुँदासमेत भ्याक्सिनले सिकिस्त हुनबाट, अस्पताल भर्ना हुनबाट र मृत्युबाट रोक्न ९० प्रतिशतभन्दा धेरै प्रभावकारी काम गरिरहेको बताएको छ । तर यो लामो समय नरहन सक्ने फाइजरको भनाई भएपनि त्यसलाई एफडीएले मान्यता दिएको छैन ।

सबैका लागि बुस्टर डोज आवश्यक पर्ने प्रयाप्त प्रमाणहरु नरहेको एफडीएको भनाई छ । सबैका लागि बुस्टर आवश्यक पर्ने वा बढी उमेरकाहरुलाईमात्र पर्ने भन्ने सम्बन्धमा अझै पनि प्रयाप्त डाटाहरु उपलब्ध रहेका छैनन् । १६ देखि २९ बर्षसम्मकाहरु भ्याक्सिन लगाएपछि मुटुको मांशपेशी सुन्निने मायोकार्डिटिसको जोखिममा रहेकाले अहिले नै उक्त समुहका लागि तेश्रो डोज फाइजर भ्याक्सिन सिफारिस गर्न एफडीए हच्किएको हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com