Follow @khasokhasmag

चीनबाट आइपुग्यो ४४ लाख डोज भेरोसेल, क–कसले पाउने?


प्रकाशित मिति : आश्विन १, २०७८ शुक्रबार

चीनबाट कोरोनाविरुद्धको ४४ लाख डोज खोप काठमाडौं आइपुगेको छ। नेपाल एयरलाइन्सको वाइडबडीमार्फत् उक्त परिमाणको भेरोसेल खोप शुक्रबार दिउँसो काठमाडौं आइपुगेको हो।

खोप लिन बिहीबार राति वाइडबडी विमान बेइजिङ उडेको थियो। नेपाल सरकारले खरिद गरेको ६० लाख डोजमध्ये ४४ लाख डोज खोप ल्याइएको स्वास्थ्य मन्त्रालयले जनाएको छ। यसअघि १६ लाख डोज खोप नेपाल आइसकेको छ।

केही दिनबाट पुनः सुरू हुने खोप अभियानमा हिमाली १० जिल्लाका १८ वर्षभन्दा माथिका नागरिकलाई खोप दिने योजना रहेको स्वास्थ्य सेवा विभागले जनाएको छ। जसअनुसार ताप्लेजुङ, सोलुखुम्बु, रसुवा, सखुंवासभा, मुगु, रसुवा, जुम्ला, हुल्ला, डोल्पा, बाजुरा, र दार्चुला रहेका छन्।

त्यसैगरि, काठमाडौं, भक्तपुर, ललितपुर, मकवानपुर, रामेछाप, सर्लाही र अछामका ४० वर्षभन्दा माथिका नागरिकलाई खोप दिइनेछ । काभ्रे र चितवनमा ३५ वर्षभन्दा माथि र अन्य ५५ जिल्लामा ५५ वर्षभन्दा माथिका नागरिकलाई खोप दिइने छ।

१८ वर्षभन्दा माथिका खोप लगाउन छुट भएका विद्यार्थी, फ्रन्टलाइनमा खटिएका, अतिआवश्यक सेवाका कर्मचारी, शिक्षक, पर्यटन क्षेत्रका मानिसलाईसमेत खोप दिने योजना रहेको विभागले जनाएको छ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com