क्यालिफोर्नियामा १४ बर्षका विद्यार्थीसँग यौन सम्पर्क राखेको अभियोगमा शिक्षिका पक्राउ


प्रकाशित मिति : भाद्र १९, २०७८ शनिबार

अमेरिकाको क्यालिफोर्नियामा १४ बर्षका पुरुष विद्यार्थीसँग यौन सम्पर्क राखेको अभियोगमा शिक्षिका पक्राउ परेकी छिन् । उनले एकएकजनालाई सिकाउने कक्षाका दौरानमा विद्यार्थीसँग यौन सम्पर्क राखेको अनुसन्धानबाट खुलेको जनाइएको छ । माउन्टेन भ्यु स्कुलकी शिक्षिका ३९ बर्षकी क्रिस्टल ज्याक्सनलाई क्यालिफोर्नियाको फ्रेस्नो काउन्टी प्रहरीले पक्राउ गरेको हो ।

प्रहरीले श्रीमति ज्याक्सन आफ्नो हिराशतमा रहेको र अरु पनि पीडितहरु भए नभएकोबारे अनुसन्धान भइरहेको जनाएको छ । शिक्षिकाबिरुद्ध बलात्कारका ४ वटा मुद्दा दायर गरिएको छ भने बच्चासँग मुखमैथुन गरेको, बच्चासँग यौन गतिविधि गरेको, अपराध गर्ने उद्देश्यले बच्चासँग कुराकानी गरेको, यौन गतिविधिको उद्देश्यसहित बच्चालाई भेटेको लगायतका अभियोगहरु लगाइएको छ ।

ज्याक्सनले ती विद्यार्थीसँग कम्तीमा तीनपटकसम्म यौन सम्पर्क गरेको प्रहरीको दावी छ । डनल्याप लिडरसिप एकेडेमीमा भएको कक्षाको दौरानमा यौन सम्पर्क गरेको जनाइएको छ । पक्राउ परेकी शिक्षिकालाई २ लाख १५ हजार डलर धरौटी तोकिएको छ । घटनाबारे थप अनुसन्धान जारी रहेको जनाइएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com