Follow @khasokhasmag

हरिकेन आइदाका कारण न्युयोर्कसहित ११ लाख ग्राहकको घरमा विद्युत आपूर्तिमा अवरोध


प्रकाशित मिति : भाद्र १७, २०७८ बिहीबार

हरिकेन आइदाले अमेरिकाको उत्तरपूर्वी भागमा परेको प्रभावका कारण का कारण न्युयोर्कसहित ११ लाख ग्राहकको घरमा विद्युत आपूर्तिमा अवरोध उत्पन्न भएको छ । आइदाको अवशेष अमेरिकाको पूर्वी भागहुँदै अगाडि बढ्दा उत्पन्न खराब मौषमका कारण यो अवस्था आएको हो ।

लुजियानामा झण्डै ९ लाख, मिसिसिपीमा ३७ हजार, भर्जिनियामा १३ सय, वेष्ट भर्जिनियामा २३ सय, मेरिल्याण्डमा ५६ सय, डेलावरमा झण्डै ५ सय, पेन्सिलभेनियामा झण्डै १ लाख, न्युजर्सीमा ६० हजार, न्युयोर्कमा ४२ हजार, कनेक्टिकटमा १८ हजार, मासाचुसेट्समा ८ हजार, रोढ आइल्याण्डमा ११ सय भन्दा धेरै ग्राहकका घरमा विद्युत आपूर्तिमा अवरोध उत्पन्न भएको छ ।

न्युयोर्कको ट्रेन स्टेशनमा छिरेको बाढी

गएरातीको बाढीका कारण न्युयोर्क र न्युजर्सीका विमानस्थलमा उडान सेवाहरु प्रभावित भएका छन् । न्युयोर्क र न्युजर्सीमा कम्तीमा ९ जनाको मृत्यु भएको छ । मृत्यु हुनेमा २ बर्षका बालक समेत रहेका छन् । बाढीका कारण न्युयोर्क सिटी प्यारालाइज्ड भएको गर्भनर क्याथी होचुलले बताएकी छिन् । न्युजर्सीको पस्सैकमा गएराती ८ फिटसम्म पानीजम्मा भएको देखिएको थियो ।

बाढीका कारण न्युयोर्क र न्युजर्सीमा सार्वजनिक यातायात प्रभावित भएको छ । न्युयोर्कको ट्रेन सेवा प्रभावित हुँदा रातभर यात्रुहरु टाइम्स स्क्वायरको स्टेशनमा रोकिएका थिए । न्युजर्सी ट्रान्जिट पनि अहिलेसम्म सुचारु नभएको जनाइएको छ । ५ घण्टाको अवधिमा न्युयोर्क सिटीमा ५० हजार ओलम्पिक साइजको पोखरीमा हुनेजति पानी परेको जनाइएको छ ।

सेन्ट्रल पार्कमा मौषमको विवरण राख्न थालिएयता सबैभन्दा धेरै बर्षा भएको रेकर्ड कायम भएको छ । सन् १८६९ देखि मौषमको रेकर्ड राख्न थालिएकोमा सन् १९२७ मा सेन्ट्रलपार्कमा ३ दशमलव ८४ इन्च पानी परेको छ । उक्त रेकर्ड तोडिएर अहिले ७ दशमलव १३ इन्च पानी परेको रेकर्ड कायम भएको छ ।

न्युजर्सीको नेवार्कमा पनि १९५९ मा सबैभन्दा धेरै २ दशमलव २२ इन्च पानी परेकोमा अहिले उक्त रेकर्ड तोडिएर ८ दशमलव ४१ इन्च पानी परेको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com