Follow @khasokhasmag

काबुलको विमानस्थल नजिकै बिष्फोटक पदार्थले भरिएको गाडीमाथि अमेरिकी हवाई हमला


प्रकाशित मिति : भाद्र १३, २०७८ आईतबार

काबुलको विमानस्थल नजिकै विष्फोटक पदार्थले भरिएको आईसीस के को एउटा गाडीबिरुद्ध अमेरिकाले आइतबार हवाई हमला गरेको छ । गतसाता अमेरिकी सेनाका १३ जनासहित १७० जनाको ज्यान जानेगरी भएको आत्मघाती हमलापछिको यो दोश्रो अमेरिकी कारवाही हो ।

मानवरहित ड्रोनमार्फत गरिएको उक्त कारवाहीपछि हमिद कारजाई अन्तर्राष्ट्रिय विमानस्थलमा अर्को आईसीसीस के आक्रमणको सम्भावना टरेको छ । अमेरिकाले निशानामा नै प्रहार गरेको दावी गरेको छ भने आक्रमणका क्रममा सर्वसाधारणको कुनै क्षति भएको रिपोर्ट आएको छैन ।

प्रवक्ता क्याप्टेन बिल अर्बनका अनुशार यदि बिष्फोटक पदार्थले भरिएको उक्त गाडीबिरुद्ध कारवाही नगरेको भएमा विमानस्थलमा अर्को ठूलो जनधनको क्षति हुनसक्ने सम्भावना रहेको थियो । अमेरिकी कारवाहीका क्रममा गाडीमा चढेको आत्मघाती हमलाकारीलाई मारिएको हो वा कारबम ध्वस्त पारिएको हो भन्नेबारे भने केही स्पष्ट छैन ।

दुईजना व्यक्तिले बिष्फोटक पदार्थहरु कारमा लोड गर्दै गरेको देखिएपछि हवाई हमला गरिएको अमेरिकी भनाई छ । आइतबार उक्त कारमाथि अमेरिकाले मिसाइल हानेको थियो जसका कारण बिष्फोटको आवाज आएको थियो । आक्रमणको बेलामा कारमा तीनजना संदीग्धहरु रहेको तालिबानले जनाएको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com