काबुलस्थित विमानस्थलबाहिर आत्मघाती बम विस्फोट, कम्तीमा १३ जनाको मृत्यु
प्रकाशित मिति : भाद्र १०, २०७८ बिहीबार
अफगानिस्तानको काबुलस्थित अन्तर्राष्ट्रिय विमानस्थलबाहिर आत्मघाती बम विस्फोट भएको पेन्टागनका प्रवक्ता जोन किर्बीले पुष्टी गरेका छन् । अमेरिका र उसका मित्रराष्ट्रहरुले अफगानिस्तानमा खतराको चेतावनी दिइरहेको बेलामा बम विष्फोटको घटना भएको हो । विमानस्थलबाहिर कम्तीमा २ वटा बिष्फोटहरु भएका छन् ।
एक तालिबान अधिकारीले कम्तीमा १३ जनाको मृत्यु भएको बताएका छन्। तालिबानको कब्जा लगत्तै देश छाड्न चाहने अफगानहरुले विमानस्थलबाहिर हरेक दिन भींडभाड गर्दै आएका थिए । मृत्यु हुनेमा बालबालिकाहरु समेत रहेको जनाइएको छ ।
We can confirm that the explosion at the Abbey Gate was the result of a complex attack that resulted in a number of US & civilian casualties. We can also confirm at least one other explosion at or near the Baron Hotel, a short distance from Abbey Gate. We will continue to update.
— John Kirby (@PentagonPresSec) August 26, 2021
घटनामा कैयन तालिबान गार्डहरु समेत घाइते भएका छन् । घाइते हुनेमा अमेरिकी सेनाका सदस्यहरु समेत रहेको जनाइएको छ ।
विमानस्थलबाहिर गोली चलेको आवाज आएको थियो । हमला हुन सक्ने भन्दै क्यानडासहित कैयौँ युरोपेली मुलुकले काबुल विमानस्थलबाट गर्दै आएको उद्धारकार्य रोकेकै दिन विस्फोटको घटना भएको हो ।
Horrific terrorist attacks outside Kabul airport. My heart breaks for the U.S. servicemembers wounded in the explosion and the innocent Afghan lives lost. I am inspired by the strength and compassion of our troops and pray for their safety.
— Mitt Romney (@MittRomney) August 26, 2021
अफगानिस्तान छाड्न चाहनृ अमेरिकनहरुको संख्या अझै झण्डै १५ सय रहेको जनाइएको छ । अगस्त १४ यता कम्तीमा ४५ सय अमेरिकी नागरिकहरुले अफगानिस्तान छाडेका छन् ।