Follow @khasokhasmag

आर्थिक बर्ष २०२१ को अन्तिम भिसा बुलेटिन: डिभी, परिवार, रोजगारमा आधारित भिसाबारे अपडेट


प्रकाशित मिति : श्रावण ३१, २०७८ आईतबार

अमेरिकी सरकारको विदेश मन्त्रालयले आर्थिक बर्ष २०२१ को अन्तिम भिसा बुलेटिन जारी गरेको छ । अक्टोबर १ मा सुरु भएर सेप्टेम्बर ३१ मा अन्त्य हुने अमेरिकी आर्थिक बर्षको यो भिसा बुलेटिन सेप्टेम्बरका लागि जारी गरिएको हो ।

सेप्टेम्बरको भिसा बुलेटिन अनुशार रोजगारमा आधारित सबै श्रेणीको ग्रिनकार्ड करेन्ट रहेको छ । अर्थात् अमेरिकामा हुने व्यक्तिले रोजगारमा आधारित ग्रिनकार्ड फाइल गर्दा आई ४८५ आवेदन फाइल गर्नका लागि प्रतिक्षा गर्नुपर्नेछैन । उनीहरुले आई १४० आवेदनका साथमा नै आई ४८५ आवेदन फाइल गरेर वर्क परमिट, एड्भान्स परोल लगायत प्राप्त गर्न सक्छन् भने गैर कानूनी उपस्थीतिको खतरा पनि हुँदैन ।

नेपालका लागि रोजगारमा आधारित सबै श्रेणीको ग्रिनकार्ड करेन्ट भएपनि चीन लागि दोश्रो र तेश्रो श्रेणीको ग्रिनकार्ड करेन्ट छैन । भारतका लागि दोश्रो श्रेणीको ग्रिनकार्डका लागि भिसा करेन्ट हुन झण्डै १० बर्ष कुनुपर्छ भने तेश्रो श्रेणीको ग्रिनकार्डका लागि भिसा करेन्ट हुन झण्डै ७ बर्ष कुर्नुपर्छ । नेपालीले भने कुर्नुपर्दैन ।

त्यस्तै ग्रिनकार्डवाहकका दम्पत्ति र २१ बर्ष ननाघेका छोराछोरीहरुका लागि सेप्टेम्बरमा भिसा करेन्ट रहेको छ । अमेरिकामा रहने उनीहरुले आई १३० आवेदनका साथमा ग्रिनकार्ड आवेदन आई ४८५ एकसाथ फाइल गर्न सक्छन् । उनीहरुले वर्क परमिट, एड्भान्स परोल लगायत प्राप्त गर्न सक्छन् भने गैर कानूनी उपस्थीतिको खतरा पनि हुँदैन ।

तर परिवारमा आधारित ग्रिनकार्डको श्रेणीमा अमेरिकी नागरिकका २१ बर्ष नाघेका अविवाहित छोराछोरीहरुका लागि लाग्ने अवधि झण्डै ६ बर्ष ८ महिना रहेको छ । रोचक त के छ भने अमेरिकी ग्रिनकार्डवाहकका २१ बर्ष नाघेका अविवाहित छोराछोरीहरुका लागि लाग्ने अवधि नागरिकका छोराछोरीको तुलनामा सेप्टेम्बरमा पनि कम रहेको छ । यो अवधि झण्ड ६ बर्षमात्र रहेको छ ।

परिवारमा आधारित ग्रिनकार्डको श्रेणीमा अमेरिकी नागरिकका विवाहित छोराछोरीहरुका लागि लाग्ने अवधि झण्डै १३ बर्ष रहेको छ । त्यस्तै अमेरिकी नागरिकका दाजुभाई दिदीबहिनीहरुका लागि लाग्ने अवधि झण्डै साढे १४ बर्ष रहेको छ ।

त्यस्तै डिभी लोटरीका सन्दर्भमा सेप्टेम्बरमा सबैको भिसा करेन्ट रहेको छ । २०२१ का डिभी विजेताहरुले सेप्टेम्बरभित्रै भिसा प्राप्त गरिसक्नुपर्ने भएपनि कोरोनाको महामारीका कारण ठूलो संख्या डिभी विजेताहरुले भिसा प्राप्त गर्न सकेका छैनन् ।

त्यस्तै सेप्टेम्बरको भिसा बुलेटिनमा अक्टोबरमा भिसा पकृया सुरु गर्न सक्ने २०२२ का डिभी विजेताका सन्दर्भमा कोटा तोकिएको छ । ९ सय सम्म केस नम्बर हुने नेपाली डिभी विजेताले अक्टोबरमा आफ्नो भिसा प्रकृया अगाडि बढाउन सक्नेछन् ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com