Follow @khasokhasmag

७५ लाखले पाउदै आएको बेरोजगारी विमाको अतिरिक्त रकम एकमहिनापछि सकिदै


प्रकाशित मिति : श्रावण २३, २०७८ शनिबार

अमेरिकामा झण्डै ७५ लाखले पाउदै आएको बेरोजगारी विमाको अतिरिक्त रकमको अवधि एकमहिनापछि सकिने भएको छ । अमेरिकी सरकारले कोरोनाको महामारीका कारण काम गुमाएकाहरुका लागि राज्यले दिने बेरोजगारी विमा रकम वा महामारी बेरोजगारी सहायताका अतिरिक्त साप्ताहिक ३ सय डलर प्रदान गर्दै आएको छ । यो रकम सेप्टेम्बर ६ सम्ममात्र प्राप्त हुनेछ ।

तीनवटा सहायता कार्यक्रमहरु गतबर्षको मार्चमा सुरुवात गरिएको थियो भने दुईपटक नविकरण भइसकेको छ । यो कार्यक्रम अमेरिकाका २३ वटा राज्यहरुले पहिले नै समाप्त गरिसकेका छन् । यी राज्यहरु रिपब्लिकन गर्भनरहरुले नेतृत्व गरिरहेका छन् ।

अर्कान्सास, इन्डियाना र मेरिल्याण्डले यो कार्यक्रम अन्त्य गरेपछि अदालतले पुन लागु गर्न आदेश दिएको थियो । त्यसपछि यी राज्यहरुमा कार्यक्रम पुनस्र्थापित भएको छ । त्यस्तै डेमोक्र्याट्स गभर्नर रहेका अन्य राज्यहरुमा पनि यो कार्यक्रम अझै एकमहिना कायम रहनेछ ।

सेप्टेम्बरपछि कार्यक्रम थप गर्ने वा नगर्ने सन्दर्भमा बाइडेन प्रशासनले कुनै निर्णय गरेको छैन । तर अहिलेसम्मको परिदृश्य हेर्दा कार्यक्रम थप नहुने देखिएको छ । राज्यको औषत बेरोजगारी विमा रकम साप्ताहिक ३३० डलर रहेको छ । थप संघीय सहायतासहित अमेरिकनहरुले औषतमा साप्ताहिक ६३० डलर पाइरहेका छन् ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com