Follow @khasokhasmag

बोस्टनमा ट्रेन दुर्घटना, २५ जना घाइते


प्रकाशित मिति : श्रावण १६, २०७८ शनिबार

शुक्रबार बेलुका अमेरिकाको बोस्टनमा भएको ट्रेन दुर्घटनामा २५ जना घाइते भएका छन् । कमनवेल्थ एभिन्यु रेल लाइनमा दुईवटा ट्रेनहरु एकआपसमा ठोक्किदा घाइते २३ जनालाई तत्काल स्थानीय अस्पतालहरुमा लगिएको थियो ।

थप दुईजनाको पनि उपचार गरिएको र कसैको पनि अवस्था ज्यानै जोखिममा पर्नेखालको नरहेको जनाइएको छ । ब्याबकक स्ट्रीट नजिकै बी ब्रान्चमा दुईवटा ट्रेनहरु एकआपसमा ठोकिएका थिए । घटनाबारे अनुसन्धान भइरहेको मासाचुसेट्स बे यातायात प्राधिरणले जनाएको छ ।

ट्रेनमा चढेका अधिकांश यात्रुहरुको टाउको र घाँटीमा चोटपटक लागेको छ । ट्रेन अनियन्त्रित भएपछि आफूहरुलाई खराब रोलरकोस्टर चढेजस्तो अनुभव भएको यात्रुहरुले बताएका छन् । ट्रेनमा कतिजना यात्रुहरु थिए भन्नेबारे केही खुलाइएको छैन ।

बोस्टन नेपालीहरुको पनि बाक्लो बसोबास रहेको क्षेत्र हो । दुर्घटना भएका ट्रेनमा नेपालीहरु रहे नरहेको बारे केही खुलेको छैन ।

 

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com