भारत भ्रमणकै क्रममा नेपालका प्रधानमन्त्रीलाई अमेरिकी विदेशमन्त्रीको फोन, के के भयो कुराकानी?
प्रकाशित मिति : श्रावण १२, २०७८ मंगलबार
भारत भ्रमणकै क्रममा अमेरिकी विदेशमन्त्री एन्टोनी ब्लींकेनले नेपालका प्रधानमन्त्री शेरबहादुर देउवासँग फोनवार्ता गरेका छन् । विदेशमन्त्री ब्लींकेन र प्रधानमन्त्री देउवाले हालसालै अमेरिकाबाट नेपाललाई सहयोगस्वरुप प्राप्त १५ लाख कोभिड १९ भ्याक्सिन लगायत नेपाल अमेरिका साझेदारीका विवध महत्वपूर्ण विषयमा कुराकानी भएको अमेरिकी विदेशमन्त्रालयले जनाएको छ ।
I had the pleasure to speak with Nepali Prime Minister Deuba today. We discussed the advancement of the U.S.-Nepal partnership including cooperation on our shared fight against COVID-19 and the effects of climate change.
— Secretary Antony Blinken (@SecBlinken) July 27, 2021
फोनवार्तामा जलवायु परिवर्तनका असरहरुको सामना गर्न दुईदेशबीचको समन्वयबारे पनि छलफल भएको विदेशमन्त्रालयका प्रवक्ता नेड प्राइसले जानकारी दिएका छन् । ब्लींकेनले दिल्लीबाट फोन गरेपछि देउवा र ब्लींकेनबीच झण्डै १० मिनेट कुराकानी भएको जनाइएको छ ।
It was my pleasure to talk to @SecBlinken and exchange views on our multifaceted bilateral relations. We renewed the shared commitment to taking forward the cooperative partership in the interest of our two countries and peoples.
— Sher Bahadur Deuba (@SherBDeuba) July 27, 2021
अमेरिकी विदेशमन्त्री ब्लीकेनको भारत र कुवेत भ्रमण जुलाई २६ देखि सुरु भएको हो । ब्लींकेन जुलाई २९ मा अमेरिका फर्कने कार्यक्रम रहेको छ ।
Wheels up for my trip to New Delhi and Kuwait City. I look forward to consultations with our partners to further cooperation in support of our shared interests in the Indo-Pacific and Middle East. pic.twitter.com/KClJ405LGI
— Secretary Antony Blinken (@SecBlinken) July 26, 2021
ब्लींकेनले जुलाई २८ मा भारतीय विदेशमन्त्री डाक्टर एस जयशंकर र प्रधानमन्त्री नरेन्द्र मोदीलाई भेट्ने कार्यक्रम रहेको छ । भेटमा एन्डो प्यासेफिक आवद्धता, साझा क्षेत्रीय सुरक्षाका चासोका विषयहरु, जलवायु संकट लगायतका विषयमा छलफल हुने जनाइएको छ । ब्लींकेन जुलाई २८ मै कुवेत जाने कार्यक्रम रहेको छ ।