यी हुन् अमेरिकाका सबैभन्दा महँगा राज्यहरु, न्युयोर्क दोश्रोमा
प्रकाशित मिति : श्रावण १, २०७८ शुक्रबार
विभिन्न आधारमा अमेरिकाका सबैभन्दा महँगा राज्यहरुको अध्ययगन गरेर सीएनबीसीले त्यसको सुची सार्वजनिक गरेको छ । जीवनयापनका लागि हुने खर्च, घरको मूल्य, उर्जाको मूल्य, दुधको मूल्य लगायतका कैयन मापदण्डहरुका आधारमा सबै ५० वटा राज्यहरुलाई स्कोर प्रदान गरिएको छ ।
अमेरिकाको सबैभन्दा महँगो राज्य हवाई रहेको छ । यो राज्यमा औषत घरको मूल्य १३ लाख ८६ हजार ४ सय ८३ डलर रहेको छ । आधा ग्यालेन दुधको मूल्य औषतमा ४ डलर ३१ सेन्टस रहेको छ भने मासिक इनर्जी बिल ४७० डलर ३८ सेन्टस रहेको छ ।
महँगो राज्यमा दोश्रोमा न्युयोर्क रहेको छ । घरको औषत मूल्य म्यानहटनमा २२ लाख २७ हजार ८ सय ६ डलर रहेको छ । तर जीवनयापनका लागि समग्र स्कोर ३ प्राप्त गरेको छ । आधा ग्यालेन दुधको मूल्य औषतमा ३ डलर ११ सेन्टस रहेको छ भने मासिक इनर्जी बिल औषतमा १५७ डलर ७० सेन्टस रहेको छ ।
क्यालिफोर्निया महँगो राज्यको सुचीमा तेश्रोमा रहेको छ । औषत घरको मूल्य १३ लाख ६२ हजार १ सय ६३ डलर र औषत इनर्जी बिल मासिक २६७ डलर ८४ सेन्टस रहेको छ । आधा ग्यालेन दुधको मूल्य औषतमा २ डलर ८३ सेन्टस रहेको छ । जीवनयापनका लागि समग्र खर्च स्कोरमा ७५ मा ५ प्राप्त गरेको छ ।
महँगो राज्यमा ओरेगन चौथोमा रहेको छ भने मासाचुसेट्स पाँचौंमा रहेको छ । त्यस्तै अलास्का छैठौंमा रहेको । सातौंमा मेरिल्याण्ड र आठौंमा कनेक्टिकट रहेको छ । नवौंमा रोढ आइल्याण्ड रहेको छ भने दशौंमा न्युजर्सी परेको छ । न्युजर्सीमा औषत घरको मूल्य ६ लाख १५ हजार ७ सय ३८ रहेको छ भने आधा ग्यालेन दुधको मूल्य औषतमा २ डलर ४३ सेन्टस रहेको छ ।
सबैभन्दा सस्ता राज्यहरु
अमेरिकामा सबैभन्दा सस्तो राज्य मिसिसिपी रहेको छ । औषतमा घरको मूल्य २ लाख ४७ हजार ८ सय १२ डलर रहेको छ भने इनर्जी बिल औषतमा १५३ डलर ७६ सेन्टस रहेको छ । औषतमा आधा ग्यालेन दुधको मूल्य २ डलर ३७ सेन्टस रहेको छ ।
मिसिसिपीपछि सस्तो कन्सास रहेको छ । कन्सासमा घरको मूल्य औषतमा २ लाख ९९ हजार रहेको छ । कन्सासपछि ओक्लोहोमा र त्यसपछि अर्कान्सास सबैभन्दा सस्तो रहेको छ । अर्कान्सासपछि सस्तो मिजौरी रहेको छ । त्यसपछि अबालामा राज्य सस्तो राज्यका रुपमा रहेको छ । अलाबामापछि न्यु मेक्सिको सस्तो राज्य रहेपनि त्यसपछिका सस्ता राज्य जर्जिया र टेनेसी रहेका छन् । यी दुई राज्यले बराबर स्कोर प्राप्त गरेका छन् ।
इन्डियाना सस्तो राज्यमा १० औं नम्बरमा परेको छ । इन्डियानामा घरको औषत मूल्य ३ लाख ३९ हजार रहेको छ भने आधा ग्यालेन दुधको औषत मूल्य १ डलर ३९ सेन्टस रहेको छ ।