Follow @khasokhasmag

अमेरिकामा बन्दुक किन्न चाहने झण्डै ३ लाखलाई दिइएन अनुमति, ४२ प्रतिशत विगतमा गम्भिर अपराध गरेकाहरु


प्रकाशित मिति : असार ९, २०७८ बुधबार

सन् २०२० मा अमेरिकामा बन्दुक किन्न चाहने व्यक्तिको एफबीएले गरेको पृष्ठभूमि परीक्षणका क्रममा ३ लाखभन्दा बढीलाई अयोग्य ठहराइएको एफबीएले खुलासा गरेको छ । पृष्ठभूमि परीक्षणका कारण ३ लाखभन्दा बढी गलत व्यक्तिका हातमा लाइसेन्सप्राप्त बन्दुक पुग्नबाट रोक लागेको थियो ।

सन् २०१९ को तुलनामा पृष्ठभूमि परीक्षणका क्रममा झण्डै दोब्बरलाई सन् २०२० मा बन्दुक किन्नबाट रोक लगाइएको थियो । बन्दुक किन्न खोजेका तर रोक लगाइएकामध्ये झण्डै ४२ प्रतिशत व्यक्ति विगतमा गम्भिर अपराधमा दोषी प्रमाणित भएकाहरु थिए ।

अमेरिकाका बन्दुक हिंशाका घटना बढिरहँदा बन्दुक नियन्त्रणसम्बन्धि बिल राष्ट्रपति जो बाइडेनको समर्थन र संसदमा डेमोक्रेटिक सांसदहरुको बहुमतका बाबजुत पनि पारित हुन सकेको छैन । पृष्ठभूमि परीक्षणलाई बलियो बनाउनका लागि ल्याएइएको यो बिल संसदको सिनेटमा रोकिएको छ ।

बन्दुकको खरिदमा १० दिनको पुनरावलोकन, बिक्री र ओसारपसारमा पृष्ठभूमि परीक्षणको आवश्यकता लगायतका प्रावधानहरु राखिएको बिल मार्चमा पनि प्रतिनिधिसभाबाट पारित भएको थियो । अधिकांश राज्यहरुमा संघीय सरकारबाट लाइसेन्सप्राप्त डिलरबाट बन्दुक किन्दामात्र पृष्ठभूमि परीक्षण गर्नुपर्ने नियम रहेको छ । यसका बाबजुत पनि बिलले सिनेटमा रिपब्लिकनको समर्थन पाउन सकेन ।

अमेरिकामा बन्दुक किन्ने क्रममा पृष्ठभूमि परीक्षण गर्दा क्रेताले झुठो बोलेको खण्डमा १० बर्षसम्म जेल सजाय र ठूलो जरिवानाको कानून रहेको छ । तर बन्दुक किन्नु अगाडि फर्म भर्दा ठूलो विवरण पेश गरेको आधारमा कारवाहीमा पर्नेहरुभने अत्यन्तै कममात्र रहेका छन् । सन् २०१७ मा बन्दुक किन्न स्वीकृति नदिइएका १ लाख १२ हजारमध्ये १२ जनालाईमात्र झूठो विवरण पेश गरेका कारण जनालाईमात्र गरिएको थियो ।

सन् २०२० मा बन्दुक किन्न रोक लगाइएकाहरुमध्ये १६ प्रतिशतलाई राज्यहरुमा लागु रातो झण्डा कानून वा अत्याधिक जोखिम संरक्षण आदेशहरुका कारण रोकमा परेकाहरु रहेको सर्वेक्षणमा देखिएको छ । त्यस्तै १२ प्रतिशत विगतमा घरेलुहिंशामा दोषी ठहरिएकाहरु थिए ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com