नेपाली मूलका उम्मेदबार रहेको न्युयोर्क सिटीको डिस्ट्रिक्ट १९ कोमतगणना
प्रकाशित मिति : असार ८, २०७८ मंगलबार
न्युयोर्क सिटी काउन्सिलमा नेपाली मूलका पहिलो र एकमात्र नवराज केसी उम्मेदबार रहेको डिस्ट्रिक्ट १९ मा झण्डै ३० प्रतिशत मतगणना भएको छ । अहिलेसम्मको मतपरिणाम अनुशार टोनी अभेला अगाडि छन् । उनले झण्डै ३५ प्रतिशत अर्थात् ११ सय ५५ मत ल्याएका छन् ।
दोश्रोमा रिचार्ड लीले १०४५ अर्थात् ३१ दशमलव ६ प्रतिशत मत ल्याएका छन् । तेश्रोमा अष्टिन स्याफ्रोनले २२ प्रतिशत अर्थात् ७२७ मत ल्याएका छन् भने चौथोमा एड्रिना एभिलेसले ७ दशमलव ४ प्रतिशत अर्थात् २४६ मत ल्याएकी छिन् ।
फ्रान्सिस स्पेन्जबर्गले २ दशमलव ९ प्रतिशत अर्थात् ९५ मत र नवराज केसीले १ दशमलव ३ प्रतिशत अर्थात् ४३ मत ल्याएका छन् ।
त्यस्तै नेपालीहरुको बाक्लो बसोबास रहेको ज्याक्सनहाइट र एल्मस्र्ट लगायतका क्षेत्रलाई समेटेको डिस्ट्रिक्ट २५ मा शेखर कृष्नन सबैभन्दा अगाडि रहेका छन् । झण्डै ४७ प्रतिशत मतगणना हुँदा उनले ३१ दशमलव २ प्रतिशत अर्थात् १४१९ मत ल्याएका छन् भने दोश्रोमा क्यारोलिन ट्रानले १९ दशमलव २ प्रतिशत अर्थात् ८८३ मत ल्याएकी छिन् ।
तेश्रोमा यी चेनले १८ दशमलव ६ प्रतिशत अर्थात् ८२५ मत ल्याएका छन् । चौथोमा अल्फान्सो क्वीरेजले १० दशमलव २ प्रतिशत अर्थात् ४५१ मत ल्याएका छन् । पाँचौंमा फतिमा बर्याबले ८ दशमलव ६ प्रतिशत अर्थात् ३७७ मत ल्याएकी छिन् । लिलियाना मेलोले २९९, म्यानुअल पेरेजले १७४ र विलियम साल्गाडोले ९१ म्त ल्याएका छन् ।
नेपालीहरुको बाक्लो बसोबास रहेको डिस्ट्रिक्ट २१ मा झण्डै ३५ प्रतिशत मतगणना हुँदा पहिलोमा फ्रान्सिस्को मोयाले ५० दशमलव ८ प्रतिशत अर्थात् १२६० मत ल्याएका छन् भने दोश्रोमा डेभिड अकिनले १९ दशमलव ७ प्रतिशत अर्थात् ४८८ मत ल्याएका छन् । तेश्रोमा इन्ग्रिड गोमेजले ४१२, तालिया वुफ्काले १६४ र जर्ज अनुराहले १५६ मत ल्याएका छन् ।