आजदेखि उत्तरी गोलार्धमा औपचारिक रुपमा समर सुरु, आज बर्षकै लामो दिन
प्रकाशित मिति : असार ७, २०७८ सोमबार
आजदेखि विश्वको उत्तरी गोलार्धमा औपचारिक रुपमा समर सुरु भएको छ । जुन २० को पूर्वीय समय अनुशार राती ११ बजेर ३२ मिनेटजाँदा औपचारिक रुपमा सुरु भएको समर सेप्टेम्बर २३ सम्म कायम रहनेछ ।
समरको पहिलोदिन बर्षको सबैभन्दा लामो दिनका रुपमा समेत चिनिन्छ । सबैभन्दा लामोसमयसम्म दिनको प्रकाश कायम रहने भएको सबैभन्दा लामो दिन भनिएको हो ।
समरको पहिलो दिन विभिन्न उत्सवका साथ स्वागत गर्ने प्रचलन समेत रहेको छ । समर सुरुवात भएपनि वास्तविक रुपमा समरको तापक्रम उच्च हुनभने समय लाग्ने जनाइएको छ । औषतमा औपचारिक रुपमा समर सुरु भएको एकमहिनापछि तापक्रम उच्च बिन्दुमा पुग्ने गर्छ । त्यसैले सामान्यतया जुलाई महिना अधिकांश स्थानमा बर्षको सबैभन्दा तातो महिना हो ।
विश्वको उत्तरी गोलार्धमा प्रायजसो समरको सुरुवात जुन २० देखि २२ भित्र हुने गर्छ । त्यस्तै दक्षिणी गोलार्धमा भने समरको सुरुवात डिसेम्बर २१ वा २२ मा हुनेगर्छ ।
बर्षको लामो दिनका रुपमा जुन २१ मा इडेनबर्गमा साढे १७ घण्टा लामो दिन हुनेछ । अर्थात् सूर्योदय विहान ४ बजेर २६ मिनेटमा भएको छ भने सूर्यास्त राती १० बजेर २ मिनेटमा हुनेछ । त्यस्तै लण्डनमा साढे १६ घण्टाको दिन हुनेछ । विहान ४ बजे ४३ मिनेटमा सूर्योदय भएकोमा सूर्यास्त बेलुका ९ बजेर २१ मिनेटमा हुनेछ । स्कटल्याण्डको उत्तरी बिन्दु शेटल्याण्डमा झण्डै १९ घण्टाको दिन हुनेछ ।
टोकियोमा सोमबार दिउसो १२ बजेर ३२ मिनेटमा, बैंककमा सोमबार विहान १० बजेर ३२ मिनेटमा, कोलकत्तामा सोमबार ९ बजेर २ मिनेटमा, दुबईमा सोमबार विहान ७ बजेर ३२ मिनेटमा, अमेरिकाको फिलाडेल्फियामा आइतबार राती ११ बजेर ३२ मिनेटमा, पोर्चुगलको लिस्बोनमा सोमबार विहान ४ बजेर ३२ मिनेटमा समर सुरु भएको छ ।