Follow @khasokhasmag

रसियामा क्लीनिक जान अपरिचितको कारमा चढेपछि बेपत्ता अमेरिकी विद्यार्थी मृत फेला


प्रकाशित मिति : असार ६, २०७८ आईतबार

रसियामा मंगलबारदेखि बेपत्ता अमेरिकन विद्यार्थी मृत फेला परेकी छिन् । ३४ बर्षकी क्याथरिन सेरउ रसियामा अध्ययन गर्दै आएकी थिइन् ।

विगतमा समेत अपराधमा दोषी ठहरिएका एकजना ४० बर्षको व्यक्तिलाई प्रहरीले अनुसन्धानका क्रममा पक्राउ गरेको छ । संदिग्ध व्यक्तिको नाम सार्वजनिक गरिएको छैन ।

ती अमेरिकन महिला मस्कोदेखि २५० माइल पूर्व भोल्गा रिभरमा रहेको एउटा सिटीबाट हराएकी थिइन् । उनी एकजना अपरिचित व्यक्तिसँग कारमा चढेको र त्यसपछि बेपत्ता भएको जनाइएको छ ।

त्यसपछि उनले आमालाई टेक्स्ट मेसेज गरेकी थिइन् -‘म एकजना अपरिचितसँग कारमा छु । आशा छ, म अपहरित हुन गइरहेको छैन ।’

मंगलबार उनले एउटा क्लीनिकमा पैसा तिर्न खोज्दा कार्ड नचलेपछि उनी हतारमा उक्त क्लीनिकतिर जान चाहेको उनकी आमाले जनाएकी छिन् । उनले क्लीनिकमा जानका लागि हतार भएका कारण उबरको प्रतिक्षा नगरी आइरहेको कारमा चढेको हुनसक्ने अनुमान गरिएको छ । जब उक्त व्यक्तिले क्लीनिकतिर नलगेर गाडी जंगलतिर लैजान लागेपछि उनले आत्तिएर आमालाई मेसेज पठाएको हुनसक्ने जनाइएको छ ।

उनको मृत शरीर शनिबार विहान फेला परेको थियो । त्यसको एकघण्टापछि प्रहरीले संदीग्धलाई पक्राउ गरेको थियो । मस्कोमा रहेको अमेरिकी दूतावासले स्थानीय अधिकारीहरुको अनुसन्धानलाई नजिकबाट नियालिरहेको र आवश्यक सहयोग उपलब्ध गराइरहेको बताएको छ ।

सेरउमा लावोचेभ्स्की युनिभर्सिटीमा सन् २०१९ देखि कानून विषयमा स्नातकोत्तरकी विद्यार्थी थिइन् । अमेरिकामा कानून अध्ययनका लागि आवेदन दिनु अगाडि उनले रसियन भाषा अध्ययन गर्न चाहन्थिन् । उनले अमेरिकामा अध्यागमन वकिल बन्न चाहन्थिन् ।

युनिभर्सिटी अफ क्यालिफोर्नियाबाट डिजाइनमा स्नातक र कला इतिहासमा स्नातकोत्तर गर्नु अगाडि उनले अमेरिकन मरिनमा समेत काम गरेकी थिइन् । त्यस दौरान उनले अफगानिस्तानको समेत भ्रमण गरेकी थिइन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com