फ्रान्सले अमेरिकालाई दोश्रो स्ट्याचु अफ लिबर्टी उपहार दिने, लिबर्टी आइल्याण्डको सामने राखिने


प्रकाशित मिति : जेष्ठ २७, २०७८ बिहीबार

फ्रान्सले अमेरिकालाई दोश्रो स्ट्याचु अफ लिबर्टी उपहारमा दिने भएको छ । लिटल सिस्टर नाम दिइएको उक्त काँसको स्ट्याचु अफ लिबर्टी अहिलेको मुख्य स्ट्याचु अफ लिबर्टी रहेको लिबर्टी आइल्याण्डको सामने एलिस आइल्याण्डमा राखिने भएको छ ।

सोमबार उक्त प्रतिमा पेरिसमा विशेष समारोहका बीच विशेष कन्टेनरमा लोड गरिएको थियो । पेरिसमा एउटा संग्राहालयको बगैचामा सन् २०११ देखि राखिएको उक्त प्रतिमा अमेरिकाको स्वतन्त्रता दिवशको दिनमा एलिस आइल्याण्डमा स्थापना गरिने भएको छ ।

यो प्रतिमा लिबर्टी आइल्याण्डमा रहेको प्रतिमाको तुलनामा १६ गुणा सानो रहेको छ भने तौल ४५० किलोग्राम रहेको छ । उचाई १० फिट रहेको छ । यो प्रतिमा पहिलोपटक सन् २००९ मा बनाइएको थियो । यो प्रतिमा पेरिसको नेशनल म्युजियम अफ आर्ट एण्ड क्राफ्टले सन् १८७८ मा संरक्षण गरेको प्लाष्टर मोडलको प्रतिकृति हो ।

From the Staten Island ferry
लिबर्टी आइल्याडमा रहेको स्ट्याचु अफ लिबर्टी । Priyanka Puvvada on Unsplash

यो प्रतिमा विश्वमा स्वतन्त्रता र प्रकाशको प्रतिक रहेको संग्राहालयका सामान्य प्रशासक ओलिभर फारोनको भनाई छ । अमेरिकासँगको मित्रता अत्यन्तै महत्वपूर्ण रहेको सन्देश समेत आफूहरुले दिन चाहेको उनले बताए । यो प्रतिमा पनि लिबर्टी आइल्याण्डमा विशाल पेडेस्टलमाथि रहेको १५१ फिट अग्लो स्ट्याचु अफ लिबर्टीकै नियोक्लासिक डिजाइनमा रहेको छ ।

स्ट्याचु अफ लिबर्टी सन् १८८६ मा न्युयोर्क ल्याइएको थियो । सन् १८६५ मा फ्रान्सका इतिहासविदले उपहारका लागि प्रस्ताव गरेपनि अमेरिका आउन सकेको थिएन । स्ट्याचु अफ लिबर्टी विश्व सम्पदा सुचीमा समेत सुचीकृत रहेको छ ।

सन् १९१५ मा एलिस आइल्याण्डमा युरोपियन आप्रवासीहरु आउँदै

अहिलेको बहिनी स्ट्याचु अफ लिबर्टी राखिने एलिस आइल्याण्ड आप्रवासीहरुको इतिहाससँग जोडिएको छ । सन् १८९२ देखि सन् १९२४ सम्म झण्डै १२ मिलियन आप्रवासीहरु न्युयोर्क र न्युजर्सीको पोर्टमा आएका थिए । एलिस आइल्याण्डमा आप्रवासीहरुलाई प्रकृयामा लैजानका लागि इमिग्रेशन स्टेशन बनाइएको थियो ।

Medical inspection of men at Ellis Island.
एलिस आइल्याण्डमा आएका आप्रवासीको स्वास्थ्य परीक्षण गरिदै । Photo:  The New York Public Library on Unsplash

पहिलो इमिग्रेशन स्टेशन १८९२ मा बनाइएको थियो भने १८९७ मा ध्वस्त भएको थियो । त्यसपछि दोश्रो इमिग्रेशन स्टेशन सन् १९०० मा खोलिएको थियो भने सन् १९०५ सम्म संचालनमा रहेको थियो । उक्त भवनमा दैनिक १ हजारदेखि ४ हजार आप्रवासीहरु राख्न सकिन्थ्यो । त्यतीबेला युरोपबाट ठूलो संख्यामा आप्रवासीहरु अमेरिका आए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com