न्युयोर्क टाइम्स, सीएनएन, अमेजन लगायतका वेवसाइट डाउन
प्रकाशित मिति : जेष्ठ २५, २०७८ मंगलबार
मंगलबार विहान ठूलोमात्रामा इन्टरनेट डाउन भएको छ । न्युयोर्क टाइम्स, सीएनएन लगायतका संचारमाध्यमका वेवसाइटहरु डाउन भएका छन् भने अमेजन वेवसाइट पनि डाउन भएको छ ।
त्यस्तै बेलायत सरकारका कैयन वेवसाइटहरु डाउन भएका छन् भने रेडिट पनि डाउन भएको छ । वेवासाइटहरु डाउन हुनुको कारणबारे केही बताइएको छैन ।
क्याउड सेवा प्रदायकमा समस्या भएका कारण वेवसाइटहरु डाउन भएको हुनसक्ने जनाइएको छ । कैयन वेवसाइट भने उपलब्ध भइसकेका छन् भने केही वेवसाइट अझै संचालनमा आएका छैनन् ।