फ्लोरिडामा क्लबमा गोली प्रहार, २५ घाइते, २ को मृत्यु, ३ आक्रमणकारी फरार
प्रकाशित मिति : जेष्ठ १६, २०७८ आईतबार
अमेरिकाको फ्लोरिडामा एउटा क्लबमा शनिबार मध्यरातपछि गोली चल्दा कम्तीमा २५ जना घाइते भएका छन् भने २ जनाको मृत्यु भएको छ । सेतो निशान गाडीमा गएका तीनजना व्यक्तिले क्लबमा छिरेर भींडमा अन्धाधुन्द गोली चलाएका थिए ।
आक्रमणकारीहरु गाडीबाट राइफल र ह्याण्डगनसहित बाहिर निस्केका थिए । त्यसपछि उनीहरुले गोली चलाउँदा २ जनाको घटनास्थलमा नै मृत्यु भएको हो । घाइतेहरुलाई स्थानीय अस्पतालहरुमा भर्ना गरिएको छ । एकजनाको अवस्था गम्भीर रहेको जनाइएको छ ।
I’m offering a $100,000 reward to help authorities in my hometown @MiamiDadePD arrest and convict the suspect/suspects .. pass this on .. https://t.co/f9muvEqmp4
— Marcus Lemonis (@marcuslemonis) May 30, 2021
आक्रमणकारीहरु अहिलेसम्म पनि फरार रहेको र प्रहरीले उनीहरुको खोजी गरिरहेको जनाएको छ । टेलिभिजन पर्सनालिटी मर्कुस लेमोनिसले आक्रमणकारी पक्राउ पर्नेगरी सुचना दिने व्यक्तिलाई १ लाख डलरको पुरस्कारको घोषणा गरेका छन् ।
अमेरिकामा बन्दुक हिंशाका घटनाहरु भइरहँदा फ्लोरिडाको बिलियार्ड क्लबमा यो घटना भएको हो । आक्रमणकारीलाई गोली चलाउनका लागि के कुराले प्रेरित गरेको थियो भन्नेबारे पनि केही खुलेको छैन ।
#Homicide Crime Stoppers is taking anonymous tips 24/7. We don’t ask your name or any other information about the person giving the tip. We only want the details about the crime. Call 305-471-8477 or web tip https://t.co/fTWbLSTsjM https://t.co/yU9dVJfhvk
— Crime Stoppers Miami & FL Keys (@CrimeStopper305) May 30, 2021
शुक्रबारमात्र मायामीको वेनउड डिस्ट्रिक्टमा भएको गोलीकाण्डमा एकजनाको मृत्यु भएको थियो । उक्त घटनामा अरु ६ जना घाइते भएका थिए ।