क्यालिफोर्नियामा यातायातमा काम गर्ने कामदारले गोली चलाएर ८ जनाको हत्या
प्रकाशित मिति : जेष्ठ १२, २०७८ बुधबार
क्यालिफोर्नियामा रेल यातायातमा काम गर्ने एकजना कामदारले गोली चलाएर ८ जनाको हत्या गरेका छन् । सान होजेको भ्याली ट्रान्सपोर्टेशन अथोरिटीमा काम गर्ने ५७ बर्षका साम क्यासिडीले ८ जनाको हत्या गरेपछि गोली हानेर आफ्नो ज्यान पनि लिएका थिए ।
नियन्त्रणमा लिनका लागि प्रहरी नजिकै पुग्दा बन्दुकधारीले गोली चलाएर आफ्नो पनि ज्यान लिएको प्रहरीले जनाएको छ । घटनामा घाइते एकजनाको स्थानीय अस्पतालमा गम्भिर अवस्थामा उपचार भइरहेको छ ।
Confirming that:
– Active Shooter at VTA Light Rail Yard around 6:45a
– Multiple casualties, extent of injuries being determined
– Suspect deceased
– Employees evacuated
– VTA service not impacted (trains were in service before incident)— VTA (@VTA) May 26, 2021
घटना के कारणले गराइएको हो र कस्तो बन्दुकको प्रयोग गरिएको हो भन्नेबारे प्रहरीले केही सार्वजनिक गरेको छैन । अमेरिकामा आम नरसंहारका घटनाहरु महामारीका रुपमा बृद्धि भइरहेको सन्दर्भमा यो पछिल्लो घटना भएको हो ।
स्थानीय समय अनुशार विहान साढे ६ बजे गोलीकाण्ड भएको जनाइएको छ । मृतकमध्ये एकजना भारतीय मूलका भएको जनाइएको छ । बन्दुकधारीले यातायात सेवामा सन् २०१२ देखि नै काम गर्दै आएको जनाइएको छ ।
This is the brother of a @VTA employee that was working at the light rail facility this morning.
He was able to track the location of his brother’s phone, indicating it was left on the property where the shooting took place.
Still, no word from him. ?? pic.twitter.com/CnN7gL6QWY
— Stephanie Sierra (@StephanieABC7) May 26, 2021
गतबर्ष बन्दुकधारीले १ लाख २ हजार डलर, अन्य सुविधा र ओभरटाइम काम गरेबापत थप २० हजार डलर कमाएको रेकर्डमा देखिएको छ । कामदारहरुले रेलहरु मर्मत गरिरहेको स्थानमा गोली चलाएको प्रहरीले जानकारी दिएको छ ।