अलाबामा स्कुलहरुमा ३० बर्षदेखिको योगामा प्रतिबन्ध हटाइयो, तर योगा गर्दा ‘नमस्ते’ भन्न नपाइने
प्रकाशित मिति : जेष्ठ ७, २०७८ शुक्रबार
अलाबामाका गभर्नर के आईवेले तीसबर्षदेखि सार्वजनिक विद्यालयहरुमा योगामाथि लगाइएको प्रतिबन्ध फुकुवा गर्दै विद्यालयहरुमा योगालाई अनुमति दिने बिलमा हस्ताक्षर गरेका छन् । रुढीवादी क्रिश्चियनहरुले मान्छेहरुलाई हिन्दुवादी बनाउन ढोका खुल्ने भन्दै योगामाथि प्रतिबन्ध लगाउने पक्षमा आवाज उठाउँदै आएका थिए ।
नयाँ कानूनले प्राथमिक र माध्यामिक विद्यालयहरुमा अब विद्यार्थीहरुले ऐच्छिक रुपमा योगालाई अनुमति दिएको छ । तर विद्यार्थीहरुले योगाका क्रममा तत्कालका लागि नमस्ते भने उच्चारण गर्न पाउने छैनन् । त्यस्तै ध्यान गर्नका लागि पनि तत्कालका लागि अनुमति दिइने छैन ।
मन्त्रहरु उच्चारण गर्न, मन्त्रहरु प्रयोग गर्न, मुद्राहरु र मण्डलाहरुको प्रयोग गर्न पनि रोक लगाइएको छ । सबै योगाका आसनहरु र अभ्यासहरुलाई अँग्रेजी नाम प्रयोग गर्नुपर्ने समेत बिलमा उल्लेख छ । कुनै पनि विद्यार्थीहरुले रुखाशन गर्नका लागि अभिभावकको लिखित अनुमति आवश्यक पर्ने जनाइएको छ ।
Inbox: Gov. Kay Ivey has signed the bill allowing K-12 schools to offer yoga as an elective. Thus do we close the book on one of the stupidest moral panics in Alabama history, which is really saying a lot. #alpolitics pic.twitter.com/wnzcTYFyKp
— Brian Lyman (@lyman_brian) May 20, 2021
अलाबामामा सार्वजनिक विद्यालयहरुमा सन् १९९३ देखि योगा प्रतिबन्ध लगाइएको थियो । योगाबारेको भ्रम चिर्न र योगामाथिको प्रतिबन्ध हटाउनका लागि एकबर्ष अगाडि राज्य संसदमा डेमोक्रेटिक सांसद जेरेमी ग्रे ले यो बिल ल्याएका थिए । अन्तत यो बिल दुबै सदनबाट पारित भएर गभर्नरले हस्ताक्षर गरेपछि लागु भएको छ ।