न्युयोर्कको टाइम्स स्क्वायरमा गोली चल्दा २ महिला र ४ बर्षकी बालिका घाइते
प्रकाशित मिति : बैशाख २६, २०७८ आईतबार
न्युयोर्कको टाइम्स स्क्वायरमा गोली चल्दा २ महिला र ४ बर्षकी बालिका घाइते भएका छन् । शनिबार साँझ भएको घटनामा टाइम्स स्क्वायरमा गएका निर्दोषहरु घाइते भएको जनाइएको छ ।
सेभेन्थ एभिन्यु र ४५ स्ट्रीट नजिकै गोली चलेको प्रहरीले जनाएको छ । न्युयोर्कको बु्रकलिन निवासी ४ बर्षकी बालिकाको खुट्टामा गोली लागेको जनाइएको छ । परिवारसका सदस्यसँगै टाइम्स स्क्वायर गएकी उनलाई अस्पतालमा भर्ना गरिएको छ भने शल्यक्रिया गरिएको छ ।
.@NYPDShea shares details of the shooting in Times Square tonight that left 3 people injured, including a 4-year-old. pic.twitter.com/5iKkZXZGRW
— NYPD NEWS (@NYPDnews) May 9, 2021
रोढ आइल्याण्ड निवासी २३ बर्षकी अर्की पर्यटकको पनि खुट्टामा गोली लागेको छ । तेश्रो घाइते न्युजर्सीकी ४३ बर्षकी महिला रहेको र उनको पनि खुट्टामा नै गोली लागेको प्रहरीले जनाएको छ । सबै घाइतेलाई उपचारका लागि बेलभ्यु अस्पतालमा लगिएको छ ।
चार वा त्यो भन्दा धेरै पुरुषहरुबीच विवाद भएको र एउटाले बन्दुक निकालेर हान्न थालेको प्रत्यक्षदर्शीहरुले बताएका छन् । तर घटनामा घाइते हुनेहरु भने सडकमा हिडिरहेका सर्वसाधारणहरु रहेका छन् । घटनामा तीन जना घाइतेहरु पनि एकअर्कासँग अपरिचित हुन् ।
WANTED in connection to shooting three people near West 44th Street and 7th Avenue in Manhattan on May 8, 2021. @NYPDDetectives need anyone with information about the identity or whereabouts of this individual to contact @NYPDTips at #800577TIPS. All calls are anonymous. pic.twitter.com/qciBGCR6AK
— NYPD NEWS (@NYPDnews) May 9, 2021
घटनामा गोली चलाउने व्यक्ति एकजनामात्रै रहेको प्रहरीको भनाई छ । प्रहरीले गोली चलाउने व्यक्तिको खोजी गरिरहेको छ । प्रहरीले घटनास्थलबाट एउटा हाते बन्दुक समेत बरामद गरेको छ ।
ग्तबर्षदेखि न्युयोर्कमा गोलीकाण्डका घटनामा उल्लेख्य बृद्धि भएको छ । गतबर्षको जनवरीदेखि गतबर्षकै मे २ सम्मको अवधिसँग यो बर्षको जनवरीदेखि मे २ सम्मको अवधिको तुलना गर्दा गोलीकाण्डका घटनामा न्युयोर्क सिटीमा ८३ प्रतिशत बृद्धि भएको छ ।