चाइनीज रकेटका टुक्राहरु खसे इन्डियन ओसनमा
प्रकाशित मिति : बैशाख २६, २०७८ आईतबार
चीनको विशाल रकेटका टुक्राहरु आइतबार इन्डियन ओसनमा खसेका छन् । रकेटका अधिकांश भागहरु पृथ्वीको वायुमण्डलमा प्रवेश गर्नासाथ ध्वस्त पारिएको थियो ।
गत अप्रिल २९ मा चीनको रकेट असफल भएपछि नै यसबारे चिन्ता व्यक्त गरिएको थियो । तर चीनको अन्तरीक्ष एजेन्सीले रकेटका टुक्राहरु वायुमण्डलमा नै जलाइएको बताएको थियो ।
चीनको स्थानीय समय अनुशार आइतबार बेइजिङ समय अनुशार विहान १० बजेर २५ मिनेट (नेपाली समय विहान ८ बजेर ९ मिनेट) जाँदा रकेटका भागहरु पृथ्वीको वायुमण्डलमा पुन प्रवेश गरेका थिए । अमेरिकाको स्पेस कमाण्डले पनि रकेटका भागहरु अरेबियन पेनिन्सुलामा झरेको बताएको छ तर यसले पानी वा जमिनमा कुनै प्रभाव पारे नपारेको केही बताइएको छैन ।
यो रकेट चीनले दोश्रोपटक प्रक्षेपण गरेको हो । गतबर्ष यही रकेटको पहिलो संस्करण प्रक्षेपण गर्दा रकेट टुक्राटुक्रा भएर आइभरी कोष्टमा झरेको थियो । जसका कारण केही भवनमा क्षति पुगेको थियो । तर कोही घाइते भएको समाचार भने आएको थिएन ।
अन्तरीक्ष यान पठाउने मुलुकहरुले त्यस्ता बस्तुहरु पृथ्वीमा पुन प्रवेश गर्दा मान्छे र सम्पत्तिमा हुने जोखिम कम गर्नुपर्ने र त्यस्ता अपरेशनका सन्दर्भमा पारदर्शीता कायम गर्नुपर्ने भन्दै अमेरिकाले आलोचना गरेको छ । चीनले त्यस सन्दर्भमा उचित मापदण्ड पूरा गर्न असफल भएको भन्दै नासाले आलोचना गरेको हो ।