न्युयोर्क सिटी जुलाई १ मा शतप्रतिशत खुल्ने

प्रकाशित मिति : बैशाख १६, २०७८ बिहीबार

कुनै बेला कोरोना महामारीको इपिसेन्टर बनेको न्युयोर्क सिटी जुलाई १ बाट शतप्रतिशत खुल्ने भएको छ । कोरोनाबिरुद्धको भ्याक्सिन लगाउने कार्य तीब्र गतिमा भइरहँदा मेयर बिल डे ब्लाजिओले जुलाई १ बाट न्युयोर्क सिटी पूर्णरुपमा खुल्ने घोषणा गरेका हुन् ।

‘हामी स्टोरहरु खोल्न तयार भएका छौं । हामी हाम्रा व्यवसायहरु, कार्यालयहरु, थियटरहरु पूर्णरुपमा खोल्न तयार भएका छौं ।’ – मेयर ब्लाजिओले घोषणा गरे ।

एकबर्ष भन्दा लामो समयपछि न्युयोर्क सिटी पूर्णरुपमा खुल्न लागेको पहिलोपटक हो । न्युयोर्क सिटीमा पहिलो शटडाउन सन् २०२० को मार्चमा सुरु भएको थियो ।

गतबर्षको मार्चको अन्तिमसातादेखि न्युयोर्क सिटी कोरोनाको इपिसेन्टर बनेको थियो । त्यो यता न्युयोर्क सिटीमा कोरोना महामारीबाट बुधबारसम्म ३२ हजार ४ सय ६१ जनाको ज्यान गएको छ भने ९ लाख २३ हजार ९ सय ५३ जनामा संक्रमण पुष्टी भएको छ । जुलाई १ बाट रेष्टुरेण्ट, जिम, पसलहरु, हेयर शैलुनहरु पूर्णरुपमा खुल्नेछन् भने साना थियटरहरु समरभरीमा खुल्नेछन् । ब्रोडवे पनि सेप्टेम्बरसम्म पूर्णरुपमा खुल्ने तयारीमा छन् ।

बुधबारसम्म न्युयोर्क सिटीमा ६० लाख भन्दा बढी डोज कोरोनाबिरुद्धको भ्याक्सिन लगाइसकिएको छ । न्युयोर्क सिटीको ३६ प्रतिशतभन्दा धेरै बयस्क जनसंख्याले कोरोनाबिरुद्धको खोप पूर्णरुपमा लगाइसकेको छ । आधाभन्दा धेरै बयस्क जनसंख्याले कम्तीमा एकडोज भ्याक्सिन लगाइसकेको छ ।

बुधबारमात्र गभर्नर एन्ड्रयु कुमोले मे महिनादेखि राज्यब्यापी रुपमा रेष्टुरेण्टहरुमा एकपटकमा बस्न मिल्ने ग्राहकका सन्दर्भमा लगाइएका प्रतिबन्धहरु र बारमा बस्न लगाइएका रोकहरु हटाइने घोषणा गरिसकेका छन् ।

मे ३ देखि न्युयोर्क सिटीहरुमा बारमा बस्न पाइने भएको छ । आउटडोर डाइनिङका सन्दर्भमा १२ बजेपछि खोल्न नपाइनेगरी लागु गरिएका निषेधहरु पनि मे १७ बाट हटाइनेछ । इन्डोर डाइनिङका सन्दर्भमा १२ बजेपछि खोल्न नपाइनेगरी लागु गरिएका निषेधहरु मे ३१ बाट हटाइने भएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com