न्युयोर्कमा बर्थडे पार्टीमा पतीबाट पत्नी र दुई छोरीको गोली हानी हत्या, ९ बर्षकी छोरीले बोलाइन् प्रहरी
प्रकाशित मिति : चैत्र २५, २०७७ बुधबार
न्युयोर्कका एक व्यक्तिले आफू, पत्नी र उनका दुई छोरीलाई गोली हानेर मारेपछि ९ बर्षकी बालिकाले ९११ मा फोन गरेर प्रहरी बोलाएकी छिन् । घटना न्युयोर्कको ब्रुकलिनमा सोमबार राती भएको हो ।
राती ११ बजेर ३० मिनेटमा बु्रकलिनको शटर एभिन्युमा ४६ बर्षको जोसेफ म्याकक्रिमोन नामको व्यक्तिले ९ बर्षकी बालिकाकी आमा र दुईजना दिदीहरुलाई गोली हानेर हत्या गरेपछि आफैलाई गोली हानेको प्रहरीले जनाएको छ । प्रहरी घटनास्थलमा पुग्दा दुईजनाको शव हलवेमा र एकजनाको लिभिंगरुममा रहेको थियो ।
मृतकमा ४५ बर्षकी रसेदा बार्जे, उनका छोरीहरु २० बर्षकी सोलेइ स्पीयर्स र १६ बर्षकी चोले स्पीयर्स रहेका छन् । बन्दुक चलाउने व्यक्ति अपार्टमेन्ट नजिकैको मृत अवस्थामा भेटिएको जनाइएको छ ।
गोली हान्ने व्यक्ति र ४५ बर्षकी बार्जे २० बर्षदेखि सम्बन्धमा रहेको जनाइएको छ । ९ बर्षकी छोरी उनीहरुकै भएको र अरु दुईजना छोरीहरु भने फरक बाबुका रहेको जनाइएको छ । परिवारमा ९ बर्षकी बालिकाका लागि बर्थडे पार्टीको आयोजना गरिएको थियो ।
घटनापछि ९ बर्षकी बालिकाले नै प्रहरीमा फोन गरेकी थिइन् । उनले बुबा आफ्नो बर्थडे पार्टीबाट आइरहेको र कुनै उपहार नल्याएको प्रहरीलाई बताएकी थिइन् । त्यसपछि प्रहरी घटनास्थलमा पुगेको थियो । विगतमा कुनै घरेलु हिंशाको घटनाको रेकर्ड भएको ९११ फोनको पनि रेकर्ड नभएको जनाइएको छ ।
गोली हान्ने व्यक्ति पहिले मानव नरशंहारमा दोषी ठहर भएर ८ बर्ष जेलमा बसेको थियो । त्यसपछि सन् २००३ मा छुटेको जनाइएको छ ।