कोलोराडोमा गोली चलाउने २१ बर्षको अहमद, मृतक १० जनाकै परिचय सार्वजनिक
प्रकाशित मिति : चैत्र १०, २०७७ मंगलबार
कोलोराडोको बोल्डरमा ग्रोसरी स्टोरमा गोली चलाउने् व्यक्तिको विवरण प्रहरीले सार्वजनिक गरेको छ । उक्त व्यक्ति कोलोराडोको अरवादा निवासी २१ बर्षको अहमद अलिसा रहेको् जनाइएको छ । उक्त व्यक्तिले चलाएको गोलीबाट प्रहरी अधिकारीसहित १० जनाको मृत्यु भएको छ ।
बन्दुकधारीले ग्रोसरी स्टोरमा अन्धाधुन्द गोली चलाउँदा लाशको चाङ लागेको थियो । प्रहरीले नियन्त्रणमा लिने क्रममा आक्रमणकारीमाथि पनि गोली चलाएको थियो । आक्रमणकारीलाई खुट्टामा गोली लागेपनि अवस्था सामान्य रहेको छ । आक्रमणकारीबिरुद्ध हत्याका १० वटा अभियोग लगाइएको छ भने बोल्डर काउन्टी जेलमा पठाइदैछ ।
मृतकहरुमा ५१ बर्षका प्रहरी अधिकारी एरिक ट्याली, २३ बर्षका नेभेन स्टोआन्सिक, २५ बर्षका रिक्की ओल्डस, ४९ बर्षका ट्रालोना बार्तकोविक, ५९ बर्षका सुजेन फाउण्टेन, ५१ बर्षीय तेरी लेइकर, ६१ बर्षका केभिन मोहनी, ६२ बर्षका लायन मुरे र ६५ बर्षका जोडी वाटर्स रहेका छन् । सबै १० जना मृतकका परिवारहरुसँग सम्पर्क भइसकेको छ ।
स्थानीय समय अनुशार हिजो दिउसो पौने ३ बजे घटना भएको र गोली चलेको केही मिनेटमा नै प्रहरी घटनास्थलमा पुगेको थियो । मिडियाहरुले शरिरको माथिल्लो भाग नांगो रहेको आक्रमणकारीलाई हतकडी लगाएर बाहिर निकालेको भिडियो प्रशारण गरेका थिए । उसको दाया खुट्टा रगतले लतपतिएको थियो । लगत्तै एम्बुलेन्समा उसलाई अस्पताल लगिएको थियो ।