आफ्नै प्लेटफर्म खोलेर सामाजिक सञ्जालमा आउँदै ट्रम्प

खसोखास अमेरिका ब्यूरो

---

प्रकाशित मिति : चैत्र ८, २०७७ आईतबार

पूर्व अमेरिकी राष्ट्रपति डोनाल्ड ट्रम्प केही महिनामा नै सामाजिक सञ्जालमा फर्कने भएका छन् । ट्रम्पका प्रवक्ताका अनुशार उनी फेसबुक वा ट्वीटर लगायतका सामाजिक सञ्जालमार्फत नभई आफ्नै कम्पनी खोलेर आउने भएका छन् ।

दुईदेखि तीनमहिनामा ट्रम्प सामाजिक सञ्जालमा फर्कने ट्रम्पका लामो समयदेखिका सल्लाहकार ज्यासन मिलरले बताएका छन् । ट्रम्पको फिर्तीले दशौं मिलियन प्रयोगकर्तालाई आकर्षित गर्ने र खेललाई पूर्णरुपमा पुन परिभाषित गर्ने उनको भनाई छ ।

.@JasonMillerinDC said President Trump will be “returning to social media in two or three months” with “his own platform” that will “completely redefine the game” and attract “tens of millions” of new users. #MediaBuzz

— #MediaBuzz (@MediaBuzzFNC) March 21, 2021

नयाँ प्लेटफर्म निकै ठूलो हुने मिलरको भनाई छ । सबैले उनलाई चाहने र दशौं मिलियन व्यक्तिलाई ट्रम्पले उक्त प्लेटफर्मममा ल्याउने मिलरको आशा रहेको छ ।

जनवरी ६ मा क्यापिटल हिलमा भएको दंगापछि ट्रम्पलाई फेसबुक, ट्वीटर, युट्युब लगायतले स्थायी रुपमा नै प्रतिबन्ध लगाएका छन् । त्यो यता नै ट्रम्पले बैकल्पिक सामाजिक सञ्जालका बारेमा योजना बनाउदै आएका छन् ।