न्युजर्सीबाट फ्लोरिडा उडेको विमानमा यात्रुले कान टोकेपछि साउथ क्यारोलिनामा आकस्मिक अवतरण
प्रकाशित मिति : चैत्र ८, २०७७ आईतबार
न्युजर्सीबाट फ्लोरिडा उडेको विमानमा एकजना यात्रुले अर्को यात्रुको कान टोकेपछि साउथ क्यारोलिनामा आकस्मिक अवतरण गरिएको छ । फ्लोरिडाको मायामीका लागि उडेको युनाइटेड एयरलाइन्सको विमान ७२८ मा यो घटना भएको हो ।
विमान विहान १० बजेर १० मिनेटमा आकस्मीक अवतरण गरेको थियो भने अवतरण हुनासाथ विमानमा प्रहरी प्रवेश गरेको थियो । कान टोक्ने व्यक्ति न्युजर्सी निवासी जोन युर्कोभिच रहेको जनाएएको छ । उनलाई पछाडी हातबाँधेर बाहिर निकालिएको छ ।
युर्कोभिचले कर्मचारीसँग पानीमागेर चक्कीजस्तो देखिने चीज खाएको र त्यसपछि चिच्याउन र यताउता हिर्काउन थालेको जनाइएको छ । उनी विमानमा चढ्दादेखि नै चिन्तित अवस्थामा देखिएको छेउमा बस्ने यात्रुले बताएका छन् ।
युर्कोभिचले सुरुमा नजिकैको सिटमा रहेका एकजना यात्रुलाई मुक्का हानेको र चस्मा फुटाएको जनाइएको छ । अरु यात्रुहरु आएर छुटाउन खोज्दा युर्कोभिचले मुक्का हानेको र चस्मा फुटाएको यात्रुको कान समेत टोकिदिएको जनाइएको छ । युर्कोभिचले अर्को एजनालाई नाकमा र अर्कोलाई निधारमा समेत मुक्का हानेको जनाइएको छ ।
यसरी विध्वंस मच्याएपछि आक्रमण गर्ने युर्कोभिचलाई बेनाड्रिलको इन्जेक्सन लगाइएको थियो । प्रहरीले आक्रमणगर्ने ती यात्रु बिरुद्ध विभिन्न प्रकारका अभियोगहरु लगाएको छ । उनको खल्तीबाट डेढग्राम सेतो धुलो भेटिएकोमा पछि परीक्षण गर्दा मेथामफेटामाइन्स रहेको पुष्टी भएको छ ।
उक्त यात्रुका लागि ५० हजार डलर धरौटी तोकिएको छ ।