डाका र टीपीएसबाहकलाई अमेरिकी नागरिकताको बाटोमा लैजाने बिल प्रतिनिधिसभाबाट पारित

प्रकाशित मिति : चैत्र ५, २०७७ बिहीबार

अमेरिकी संसदको तल्लो सदन प्रतिनिधिसभाबाट डाका र टीपीएसबाहकलाई नागरिकताको बाटोमा लैजाने महत्वपूर्ण अध्यागमन बिल पारित भएको छ । बिलका पक्षमा २२८ मत खसेको छ भने विपक्षमा १९७ मत खसेको छ । ९ जना रिपब्लिकन सांसदहरुले बिलका पक्षमा मतदान गरेका छन् ।

यो बिल ११ मिलियनलाई कागजपत्र दिने खाकासहित राष्ट्रपति जो बाइडेनले अगाडि सारेको अमेरिकी नागरिकता ऐन २०२१ बिलभन्दा फरक हो ।

दुबै सदनबाट यो बिल पारित भएमा  बाल्यकालमा अमेरिका आएका कागजपत्रविहिन र टीपीएसबाहकलाई नागरिकताको बाटो खुल्नेछ । यद्यपी सिनेटबाट बिल पारित गर्न भने सहज छैन । सिनेटबाट यो बिल पारित हुनका लागि फिलिबस्टर ६० मतको आवश्यकता पर्छ ।

अमेरिकन ड्रिम एण्ड प्रमिस एक्टमा टीपीएस र बाल्यकालमा अमेरिका आएका कागजपत्रविहिनलाई संरक्षण प्रदान गर्ने डाकाले समेटेकाहरुलाई ग्रिनकार्डको बाटोमा लैजाने उल्लेख छ । यो बिल सिनेटबाट पनि पारित भएमा झण्डै १० हजार नेपाली टीपीएसबाहकहरुलाई फाइदा पुग्नेछ । डाकाले समेटेका नेपालीहरु भने एकसयभन्दा पनि कम छन् ।

त्यस्तै अर्को फार्म वर्कफोर्स मोर्डनाइजेशन एक्टमा कृषि कामदारहरुलाई कानुनी स्टाटसका लागि बाटो बनाउने उल्लेख छ । विगत २ बर्षमा कम्तीमा १८० दिन काम गरेका कृषि कामदारहरुलाई यो सुविधा प्राप्त हुनेछ । यो श्रेणीमा पर्ने नेपालीहरु रहेको कुनै सार्वजनिक रेकर्ड छैन ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com