क्यालिफोर्नियामा भयानक दुर्घटना, कम्तीमा १५ जनाको मृत्यु
प्रकाशित मिति : फाल्गुन १८, २०७७ मंगलबार
क्यालिफोर्नियामा २७ जना चढेको एउटा एसयुभी दुर्घटना हुँदा कम्तीमा १५ जनाको मृत्यु भएको छ । इम्पेरियल काउन्टीमा मंगलबार विहान उक्त एसयुभी एउटा गिट्टी बोकेको ट्रकसँग ठोकिएको थियो ।
दुर्घटनामा १४ जनाको घटनास्थलमा नै मृत्यु भएको थियो भने एकजनाको उपचारका क्रममा अस्पतालमा मृत्यु भएको छ । अस्पतालमा भर्ना गरिएको अन्य घाइतेहरुको अवस्था पनि गम्भिर रहेको जनाइएको छ ।
#BREAKING: Several dead after a truck and SUV crash in #ImperialCounty. We’ll have full details and a live report from our reporter Alexandra Rangel and Gianella Ghiglino on @13OnYourSide pic.twitter.com/zOgnPISz44
— Christián Galeno TV (@chrisgalenotv) March 2, 2021
घटनास्थल एल सेन्ट्रोबाट १० माइल पूर्व र मेक्सिकोको सिमाबाट १० माइल उत्तरमा रहेको जनाइएको छ । घाइतेमध्ये ७ जनालाई एल सेन्ट्रो अस्पतालमा लगिएको छ भने २ जनालाई पायोनियर अस्पताल लगिएको छ । ३ जनालाई एयर एम्बुलेन्सबाट अस्पताल लगिएको जनाइएको छ ।
दुर्घटनाको कारण अहिलेसम्म स्पष्ट भएको छै्रन । घटनाबारे अनुसन्धान भइरहेको प्रहरीले जनाएको छ । दुर्घटना स्थानीय समय अनुशार विहान सबा ६ बजे भएको जनाइएको छ ।