अमेरिकाको लुजियानामा बन्दुक पसलमा गोली चल्दा तीनको मृत्यु, दुई घाइते
प्रकाशित मिति : फाल्गुन ८, २०७७ शनिबार
अमेरिकाको लुजियानामा रहेको एउटा बन्दुक पसलमा गोली चलेको छ । घटनामा तीनजनाको मृत्यु भएको छ भने दुईजना घाइते भएका छन् ।
दिउसो २ बजेर ५० मिनेटमा जेफर्सन गन आउटलेट नामको पसलमा गोली चलेको प्रहरीले जनाएको छ । एकजना बन्दुकधारीले सुरुमा पसलभित्र दुईजनालाई गोली हानेको थियो । ती दुबैजनाको घटनास्थलमा नै मृत्यु भएको थियो ।
Multiple deaths in shooting at Metairie gun range—full release below pic.twitter.com/s57wvrEPjZ
— JP Sheriff’s Office (@JeffParishSO) February 20, 2021
त्यसपछि अन्य व्यक्तिले सुरुमा बन्दुक चलाउने व्यक्तिलाई रोक्न खोजेका थिए । स्टोरभित्र र बाहिर उक्त व्यक्तिलाई रोक्न खोज्दा अरु दुईजना घाइते भएका हुन् ।
मारिएको तेश्रो व्यक्ति सुरुमा बन्दुक चलाएर दुईजनाको हत्या गर्ने व्यक्ति रहेको प्रहरीले जनाएको छ । घाइते दुईजनालाई युनिभर्सिटी अस्पताल लगिएको छ । उनीहरुको अवस्था स्थीर रहेको जनाइएको छ ।
BREAKING: .@ATFNewOrleans has Special Agents on the scene of a shooting at a store in Metairie, LA. Agents are assisting and working with the Jefferson Parish Sheriff’s Office. Follow our partner .@JeffParishSO for updates. pic.twitter.com/7ZfWu889uV
— ATF New Orleans (@ATFNewOrleans) February 20, 2021
मादकपदार्थ, सुर्ती, हतियार र बिष्फोटकको न्यु ओर्लियान्स ब्यूरोका विशेष एजेण्टहरुले घटनाबारे अनुसन्धान गरिरहेका छन् । घटनाको कारण केही खुलेको छैन ।