लामो समयदेखि ग्रिनकार्ड वा अन्य आवेदन पेन्डिङ छ ? धेरै नकुरेर अपनाउनुहोस् पाँच तरिका

प्रकाशित मिति : माघ २९, २०७७ बिहीबार

यदि तपाईले ग्रिनकार्ड, अमेरिकी नागरिकता वा अन्य सुविधाका लागि अमेरिकी सरकारको युएससीआईएसमा आवेदन दिनुभएको छ तर त्यसबारे निर्णय हुनमा युएससीआईएसले तोकेको भन्दा धेरै समय लागेको छ भने तपाईले छिटो निर्णय गराउनका लागि चारवटा तरिकाहरु अपनाउन सक्नुहुनेछ ।

पहिलो तपाईले अनलाइनमार्फत युएससीआईएसमा अनुरोध गर्न सक्नुहुनेछ ।

त्यसका लागि तपाईले यो लिंकमा गएर आफ्नो केसको बारेमा युएससीआईएसलाई सचेत गराउन सक्नुहुनेछ ।

यदि तपाईको केसबारे निर्णय हुन युएससीआईएसले तोकेको भन्दा धेरै समय लागेको छ भने यो विधिबाट तपाईले आफ्नो केसमा छिटो निर्णय गराउन सक्नुहुन्छ ।

तोकेको समयभन्दा बढी लागे नलागेको थाहा पाउन यहाँ क्लीक गर्नुहोला ।

तपाईले भरेको फर्मको नाम र फिल्ड अफिस वा सर्भिस सेन्टर छनौट गरेर सामान्य भन्दा धेरै अवधि लागे नलागेको चेक गर्नुहोस् । उदाहरणका लागि तपाईको ग्रिनकार्ड आवेदन एसाइलममा आधारित रहेको छ र नेब्रास्का सर्भिस सेन्टरमा रहेको छ भने तपाईले जुन २ , २०१८ भन्दा अगाडि दिएको आवेदनका सन्दर्भमा अहिले युएससीआईएसँग अनुरोध गर्न सक्नुहुनेछ ।

त्यस्तै तपाईको ग्रिनकार्ड आवेदन रोजगारमा आधारित रहेको छ र न्युयोर्कको क्वीन्स रहेको छ भने तपाईले जुलाई ६, २०१८ भन्दा अगाडि दिएको आवेदनका सन्दर्भमा अहिले युएससीआईएसँग अनुरोध गर्न सक्नुहुनेछ ।

दोश्रो तपाईले युएससीआईएसको ग्राहक सेवा केन्द्रमा फोन गरेर आफ्नो केसमा ढिलाई भइरहेकोबारे जानकारी दिन सक्नुहुनेछ । ग्राहक सेवा केन्द्रका अधिकारीले तपाईले फोनमार्फत गरेको अनुरोध सिस्टममा राखिदिनेछन । त्यसपछि तपाई १५ दिनभित्र त्यसको जवाफ प्राप्त गर्नुहुनेछ ।

तेश्रो तपाईले युएससीआईएसको यो लिंकमा गएर इन्फोपास अप्वाइन्टमेन्ट लिन सक्नुहुनेछ

अप्वाइन्टमेन्ट लिएर युएससीआईएसको फिल्ड अफिसमा गएर आफ्नो केसबारे सोधखोज गर्न सक्नुहुनेछ । पछिल्लो चरणमा कोरोना महामारी लगायतका कारण यसका नियममा केही परिवर्तन आएको छ ।

चौथो तपाईले आफ्नो केसबारे अमेरिकी सांसदको अफिसबाट युएससीआईएसमा पत्र लेखाउन सक्नुुहुन्छ । तपाईको क्षेत्रको कँग्रेसम्यानको अफिसबाट यो काम सहजै गराउन सकिन्छ ।

पाँचौं, तपाईले संघीय अदालतमा रिट फाइल गर्न सक्नुहुन्छ । यस्तो रिटले तपाईको केसबारे छिटो निर्णयका लागि युएससीआईएसलाई दबाब पुग्छ । तर तपाईले कुनै पनि कदम चाल्नु अगाडि आफ्नो केसबारे वकिलसँग छलफल गर्नु उचित हुन्छ ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com