टेक्सासमा सडकमा बरफ जमेर भएको दुर्घटनामा १३३ गाडी ठोक्किएको र ६ को मृत्यु भएको पुष्टी
प्रकाशित मिति : माघ २९, २०७७ बिहीबार
(नोट: यो समाचारको शीर्षक र विवरण अतिरिक्त जानकारीसहित अपडेट गरिएको छ – सम्पादक)
बिहिबार विहान टेक्सासको फोर्टवर्थमा भएको दुर्घटनामा कम्तीमा १३३ वटा गाडीहरु एकआपसमा ठोक्किएको र ६ जनाको मृत्यु भएको पुष्टी भएको छ । खराब मौषमका कारण दुर्घटना भएको र दुर्घटनामा अन्य कैयन घाइते भएको जनाइएको छ ।
कम्तीमा ३६ जना घाइते भएको र उनीहरुलाई अस्पताल लगिएको जनाइएको छ । सामान्य घाइते अरु ६५ जनाको घटनास्थलमै उपचार गरिएको थियो भने उनीहरुमध्ये केही आफै अस्पताल गएका थिए ।
My heart is breaking for our community as we come to learn about the extent of the losses we are experiencing from today’s accident. Our community is pouring out support, and I know that so many of you are asking for a way to help. (1/2)
— Betsy Price (@MayorBetsyPrice) February 11, 2021
दुर्घटना विहान ६ बजेतिर भएको हो । जमेको पानी बर्षा हुँदा बाटोहरु चिप्ला भएको र बाटोमा पातलो बरफ जमेको जनाइएको छ । उक्त क्षेत्रमा बेलुका ६ बजेसम्मका लागि एड्भाइजरी जारी गरिएको थियो ।
खराब मौषमका कारण सडकपेटीहरु, पुलहरु र बाटाहरु चिप्ला भएका थिए । उक्त क्षेत्रमा आज विहान अन्य कैयन दुर्घटनाहरु पनि भएका खबर आएका छन् । जमेको बरफका कारण बाटोको अवस्था खतरनाक भएकाले सावधानी अपनाउन सुझाव दिइएको छ ।
दुर्घटनाका कारण केही सडक बन्द गरिएको थियो भने केही सडक जगेडा राखिएको थियो ।