अमेरिकी दूतावास काठमाडौंको सामाजिक सञ्जालबाटै बर्नी स्याण्डर्सको मजाक!

खसोखास अमेरिका ब्यूरो

---

प्रकाशित मिति : माघ १०, २०७७ शनिबार

अमेरिकी राष्ट्रपति जो बाइडेनको सपथग्रहण समारोहको एउटा तस्वीर सामाजिक सञ्जालमा मिमका रुपमा भाइरल बनेको छ । भर्मोन्टका सिनेटर स्याडर्स सपथग्रहण समारोहमा उपस्थीत भएर आफूलाई न्यायो बनाउँदै अवलोकन गरिरहेको तस्वीरका कैयन प्रकारका मिमहरु बनाइएको छ, जुन सामाजिक सञ्जालमा भाइरल भइरहेका छन् ।

सामाजिक सञ्जालमामात्र होइन, सरकारी सामाजिक सञ्जालबाटै बर्नी स्याण्डर्सको मिम पोष्ट गरिएको छ । अमेरिकी दूतावास काठमाडौंले फोटोसप गरेर बर्नी स्याण्डर्स काठमाडौंमा रहेको गद्दी बैठक अगाडि बसेको बनाइएको मिम आफ्नो फेसबुक पेज र ट्वीटरबाट पोष्ट गरेको छ ।

Senator Sanders is making his way around the world these days, including visiting Embassy supported cultural preservation projects! Hello Senator! ?
Where would you like to see him visit? ? #berniesMittens

Hanuman Dhoka Gaddi Baithak image courtesy: @GaryWornell pic.twitter.com/ymgHCJRBoX

— U.S. Embassy Nepal (@USEmbassyNepal) January 23, 2021

त्यहाँ भनिएको छ – ‘सिनेटर स्याण्डर्सले अहिले अमेरिकी दूतावासले सहयोग गरेको सांस्कृतिक संरक्षण परियोजना लगायत विश्वभर यात्रा गरिरहेका छन् ।’

तस्वीरमा स्याण्डर्सले लगाएको ग्लोभ्सको पनि चर्चा भइरहेको छ । भाइरल भइरहेको आफ्नो तस्वीरबारे बर्नी स्याण्डर्सले भनेका छन् – ‘म त्यहाँ बसेर आफूलाई न्यानो बनाउने प्रयास गरिरहेको थिएँ । त्यहाँ के भइरहेको छ भन्ने सन्दर्भमा ध्यान दिइरहेको थिएँ ।’

स्याडर्स लोकतान्त्रिक समाजवादी नेता हुन् । उनले राष्ट्रपति चुनावको प्राइमरीमा जो बाइडेनबिरुद्ध उम्मेदबारी दिएका थिए । पछि उनले आफ्नो चुनावी यात्रा बीचमै रोकेका थिए । स्याडर्स सन् २०१६ को डेमोक्रेटिक प्राइमरीमा हिलारीबिरुद्ध चुनाव लडेका थिए ।