पूर्व राष्ट्रपति ट्रम्पबिरुद्धको महाअभियोग प्रस्ताव सोमबार सिनेटमा
प्रकाशित मिति : माघ ९, २०७७ शुक्रबार
पूर्व राष्ट्रपति डोनाल्ड ट्रम्पबिरुद्धको महाअभियोग प्रस्ताव सोमबार सिनेटमा पठाइने भएको छ । हाउस स्पीकर न्यान्सी पेलोसीले सोमबार महाअभियोग प्रस्ताव सिनेटमा पठाउने तयारी गरिरहेको सिनेटमा डेमोक्रेटिक नेता चाल्र्स शुमरले बताएका छन् ।
बिद्रोहका लागि उत्तेजना फैलाएको आरोपमा ट्रम्पबिरुद्धको महाअभियोग प्रस्ताव अमेरिकी संसदको प्रतिनिधिसभाबाट पारित भएको थियो । जनवरी ६ मा क्यापिटल हिलमा भएको दंगाफसादमा ट्रम्पलाई हिंशा भड्काएको आरोप छ ।
सिनेटमा रिपब्लिकन नेता मिच म्याक्कोनेलले सिनेटमा महाअभियोग प्रस्ताव परीक्षणका लागि फेब्रअरीसम्म ढिलाई गर्न आग्रह गरेका छन् । पूर्व राष्ट्रपति ट्रम्पलाई प्रतिरक्षाका लागि तयारी गर्न समय दिनुपर्ने र निष्पक्ष तथा पूर्णरुपमा महाअभियोगको प्रकृया अगाडि बढाउनुपर्ने उनले बताएका छन् ।
ट्रम्पबिरुद्धको महाभियोग प्रस्ताव जनवरीको दोश्रो साता संसदको तल्लो सदन प्रतिनिधिसभाबाट पारित भएको थियो । महाभियोग प्रस्तावका पक्षमा २३२ र विपक्षमा १९७ मत खसेको थियो । ४ जना रिपब्लिकन मतदानमा सहभागी भएनन् ।
प्रस्तावबारे छलफलमा डेमोक्रेटिक सांसदहरुले ट्रम्प पक्षधर आक्रमणकारीहरु आतंकारीहरु भएको र उनीहरुलाई ट्रम्पबाट कट्टर बनाइएको बताएका थिए । अमेरिकामा मेक अमेरिका ग्रेट अगेन नामको गृहयुद्ध सुरु गर्न खोजिएको उनीहरुले आरोप लगाएका थिए ।
महाअभियोग प्रस्तावको पूर्ण पाठ
ट्रम्पबिरुद्ध उनको ४ बर्षे कार्यकालमा दोश्रोपटक महाभियोग प्रस्ताव ल्याइएको हो । दुईपटक नै महाभियोग प्रस्ताव प्रतिनिधिसभाबाट पारित भएको छ ।