तस्करले कोकिन भरेका केरा अन्य केरासित मिसाउँदा झुक्किएर क्यानडाको ग्रोसरी स्टोरमा


प्रकाशित मिति : माघ ९, २०७७ शुक्रबार

लागु पदार्थका तस्करले कोकिन भरेर ओसारपसार गर्दै गरेका केराको बक्स अन्य केरासित मिसिएर क्यानडाको ग्रोसरी स्टोरमा पुगेको खुलासा भएको छ । ब्रिटिस कोलम्बियाका दुईवटा ग्रोसरी स्टोरले प्राप्त गरेका केराका बक्स खोल्दा कोकिनका पोकाहरु भेटिएको प्रहरीले जनाएको छ ।

प्रहरी अनुसन्धानबाट कोकिन भरिएका केराका बक्स झुक्किएर त्यहाँ पुगेको पत्ता लागेको थियो । तस्करहरुले अन्य केराका बक्ससँग मिसाएर कोकिन भरिएका केराका बक्स पनि ओसार पसार गर्दा कोकिन भरिएका केराका बक्स डेलिभर गर्नुपर्ने ठाउँमा अन्य केरा र केरा डेलिभर गर्नुपर्ने ठाउँमा कोकिन भरिएका केरा डेलिभर भएका थिए ।

उक्त सिपमेन्ट कोलम्बियाबाट क्यानडाको ब्रिटिस कोलम्बियाभित्रैको केलोना सिटीमा आएको जनाइएको छ । यदि ती बक्सहरु ग्रोसरी स्टोरमा नपुगेको भए लागु औषधीको बजारमा ८ लाख डोजका लागि पुग्ने कोकिन रहेको प्रहरीले जनाएको छ । जुन कोकिन केलोनाका हरेक निवासीलाई हरेकलाई ६ डोज प्रयोग गर्न मिल्नेजति रहेको प्रहरीको भनाई छ ।

तर उक्त कोकिन भेटिएकाले क्यानडाका अमूल्य जीवनहरु जेगाउन मद्दत पुगेको प्रहरीले जनाएको छ । प्रहरीले घटनाबारे थप अनुसन्धान गरिरहेको जनाएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com