७३० मिलियनको पावरलबल मेरिल्याण्डमा, ९७० मिलियनको मेगा मिलियन भोलि खोलिने


प्रकाशित मिति : माघ ८, २०७७ बिहीबार

बुधबार राती खोलिएको ७३० मिलियन डलरको पावरबल लोटरी मेरिल्याण्डमा परेको छ । मेरिल्याण्डको एलेगेनी काउन्टीमा उक्त टिकट बिक्रि भएको जनाइएको छ ।

यो पावरबलको इतिहासमा चौथो ठूलो र अमेरिकाको लोटरीको इतिहासमा पाँचौं ठूलो ज्याकपट हो । बुधबारको पावरबल जित्ने नम्बर ४०, ५३, ६०, ६८, ६९ र पावरबल नम्बर २२ रहेका थिए ।

विजेताले तीसबर्षसम्म किस्तामा रकम प्राप्त गर्न सक्नेछन् । एकमुष्ठ लिन चाहेमा भने झण्डै ५४६ मिलियन डलर प्राप्त गर्नेछन् । तर त्यसमा संघीय कर पनि तिर्नुपर्छ ।

पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ ।

पावरबल लोटरी बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ । यो टिकटको मूल्य पनि २ डलर रहेको छ । खेल्ने व्यक्तिले १ देखि १ देखि ६९ सम्मका ५ वटा नम्बर र १ देखि २६ सम्मको एउटा नम्बर छनौट गर्नुपर्छ ।

मेगा मिलियन हरेक मंगलबार र शुक्रबार न्युयोर्क समय अनुशार राती ११ बजे खोलिन्छ । यो टिकटको मूल्य २ डलर रहेको छ । खेल्ने व्यक्तिले १ देखि ७० भित्रका ५ वटा नम्बर र १ देखि २५ भित्रको एउटा नम्बर छनौट गर्नुपर्छ ।

त्यस्तै मंगलबार पनि अमेरिकाको मेगा मिलियन लोटरी कसैलाई पनि नपरेपछि अब यो ९७० मिलियन पुगेको छ । यो मेगा मिलियन ज्याकपट भोलि शुक्रबार खोलिने भएको छ । अमेरिकाको लोटरीकै इतिहासमा यो तेश्रो ठूलो लोटरी र मेगा मिलियनको इतिहासमा दोश्रो ठूलो भएको छ ।

यसअगाडि सन् २०१८ को अक्टोबर २३ मा मेगा मिलियन १ दशमलव ५३७ बिलियन पुगेको थियो ।

भोलि शुक्रबार कसैलाई यो चिठ्ठामा ज्याकपट परेमा झण्डै ९७० मिलियन अमेरिकी डलर प्राप्त गर्नेछन् । एकमुष्ठ नगद लिन चाहेमा झण्डै ७१६ मिलियन लिन सकिनेछ ।

मेगा मिलियन चिठ्ठा अमेरिकाका ४४ वटा राज्यहरुमा खेल्न सकिन्छ । साथै वासिंटन डिसी र युएस भर्जिन आइल्याण्डमा पनि खेल्न सकिन्छ ।

मेगा मिलियन हरेक मंगलबार र शुक्रबार न्युयोर्क समय अनुशार राती ११ बजे खोलिन्छ । यो टिकटको मूल्य २ डलर रहेको छ । खेल्ने व्यक्तिले १ देखि ७० भित्रका ५ वटा नम्बर र १ देखि २५ भित्रको एउटा नम्बर छनौट गर्नुपर्छ ।

© 2024 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com