लाइभ अपडेट: अमेरिकी राष्ट्रपतिका बाइडेन र उपराष्ट्रपतिमा ह्यारिसबाट सपथग्रहण


प्रकाशित मिति : माघ ७, २०७७ बुधबार

(यो पृष्ठमा लाइभ अपडेट समाप्त भएको छ । थप अपडेट र समाचारका लागि यहाँ क्लीक गर्नुहोला ।)

11:55AM (EST):अमेरिकाको ४६ औं राष्ट्रपतिका रुपमा बाइडेनबाट सपथग्रहण

अमेरिकाको ४६ औं राष्ट्रपतिका रुपमा जो बाइडेनले सर्वोच्च अदालतका प्रधान न्यायाधिस जोन रोबर्टस्बाट सपथ लिएका छन् । बाइडेनले बाइबललाई साक्षी राखेर सपथ लिएका छन् । आफूले सिनेटर र उपराष्ट्रपतिका रुपमा सपथ लिंदा प्रयोग गरेको बाइबल नै बाइडेनले साक्षी राखेका छन् ।

सपथग्रहणमा जो बाइडेनले भने – ‘म सम्पूर्ण रुपमा सपथ लिन्छु कि मैले बफादारिताका अमेरिकाको राष्ट्रपतिको कार्यालय संचालन गर्नेछु । आफ्नो क्षमताको उत्तम उपयोग गर्नेछु । अमेरिकाको संविधानको रक्षा, संरक्षण र प्रतिरक्षा गर्नेछु ।त्यसैले मलाई मद्दत गर्नुहोस् भगवान ।’

11:40AM (EST):अमेरिकाको उपराष्ट्रपतिमा कमला ह्यारिसबाट सपथग्रहण

अमेरिकाको उपराष्ट्रपतिमा कमला ह्यारिसबाट सपथग्रहण गरेकी छिन् ।

उपराष्ट्रपतिका रुपमा कमला ह्यारिसले सर्वोच्च अदालतकी न्यायाधिस सोनिया सोटोमेयरबाट सपथ लिएकी छिन् । उनले दुईवटा बाइबललाई साक्षी राखेर सपथ लिएकी छिन् ।

सपथग्रहणमा कमला ह्यारिसले भनिन् – ‘म सम्पूर्ण रुपमा सपथ लिन्छु कि मैले सबै घरेलु र विदेशी शत्रुका बिरुद्ध अमेरिकाको संविधानको प्रतिरक्षा र समर्थन गर्नेछु । म त्यही कुराको लागि सत्य विश्वास र बफादार रहनेछु । कुनै जालसाजीको उद्देश्य वा मानसिक दुर्भाव विना नै म स्वतन्त्र रुपमा यो दायित्व लिन्छु । म जहाँ प्रवेश गर्न लागेको छु, त्यो कार्यालयको कर्तब्य मैले राम्ररी र इमान्दारिताका साथ पूरा गर्नेछु । त्यसैले मलाई मद्दत गर्नुहोस् भगवान ।’

 

11:25AM (EST):सपथग्रहण समारोह औपचारिक रुपमा सुरु

सपथग्रहण समारोह औपचारिक रुपमा सुरु भएको छ । सिनेटर एमी क्लोबुचारले औपचारिक रुपमा नयाँ प्रशासनको स्वागत गरेकी छिन् । उनले प्राइमरीमा जो बाइडेनबिरुद्ध उम्मेदबारी दिएकी थिइन् ।

 

11:20AM (EST):सपथग्रहणका लागि जो बाइडेन र कमला ह्यारिस स्टेजमा

सपथग्रहणका लागि नवनिर्वाचित अमेरिकी राष्ट्रपति जो बाइडेन र उपराष्ट्रपति कमला ह्यारिस स्टेजमा आइसकेका छन् । अबको केहीबेरमा उनीहरुले सपथग्रहण गर्नेछन् ।

11:07AM (EST):सर्वोच्च अदालतका न्यायाधिसहरु पनि समारोह स्थलमा 

सर्वोच्च अदालतका न्यायाधिसहरु पनि समारोह स्थलमा आइसकेका छन् ।

राष्ट्रपतिका रुपमा जो बाइडेनले सर्वोच्च अदालतका प्रधान न्यायाधिस जोन रोबर्टस्बाट सपथ लिनेछन् । बाइडेनले बाइबललाई साक्षी राखेर सपथ लिनेछन् । आफूले सिनेटर र उपराष्ट्रपतिका रुपमा सपथ लिंदा प्रयोग गरेको बाइबल नै बाइडेनले साक्षी राख्नेछन् ।

उपराष्ट्रपतिका रुपमा कमला ह्यारिसले सर्वोच्च अदालतकी न्यायाधिस सोनिया सोटोमेयरबाट सपथ लिने कार्यक्रम रहेको छ । उनले दुईवटा बाइबललाई साक्षी राखेर सपथ लिनेछिन् ।

10:50AM (EST): पूर्व राष्ट्रपति जर्ज डब्ल्यु बुस पनि समारोह स्थलमा

पूर्व राष्ट्रपति जर्ज डब्ल्यु बुस पनि समारोह स्थलमा उपस्थीत भएका छन् । साथमा पत्नी लाउरा बुस पनि छन् । पूर्व राष्ट्रपतिहरु बिल क्लिन्टन र बराक ओबामा समारोह स्थलमा आइसकेका छन् ।

10:30AM (EST):बाइडेन र ह्यारिस पनि सपथग्रहण समारोह स्थलमा प्रवेश

नवनिर्वाचित अमेरिकी राष्ट्रपति जो बाइडेन र उपराष्ट्रपति कमला ह्यारिस पनि सपथग्रहण समारोह स्थलमा प्रवेश गरिसकेका छन् । सपथग्रहण समारोह अगाडि उनीहरु क्यापिटल हिल प्रवेश गरेका छन् ।

 

10:29AM (EST):बमको त्रासपछि सर्वोच्च अदालत खाली

बमको त्रासपछि सर्वोच्च अदालत खाली गराइएको छ । सर्वोच्च अदालत भवन क्यापिटल हिलको नजिकै रहेको छ, जहाँ जो बाइडेन र माइक पेन्सले सपथ ग्रहण गर्दैछन् ।

10:25AM (EST):माइक पेन्स र मिच म्याक्कोनल पनि सपथग्रहण समारोहमा 

केहीबेरमा पदावधि सकिदै गरेका उपराष्ट्रपति माइक पेन्स र सिनेटमा रिपब्लिकन नेता मिच म्याक्कोनल पनि सपथग्रहण समारोहमा उपस्थीत भइसकेका छन् । डोनाल्ड ट्रम्प भने समारोहमा उपस्थीत नहुने भएका छन् । उनी आज विहानै विदाई मन्तब्य दिएर फ्लोरिडातिर लागिसकेका छन् ।

10:15AM (EST):ओबामा र क्लिन्टन सपथग्रहण समारोहमा उपस्थीत

पूर्व अमेरिकी राष्ट्रपतिहरु बिल क्लिन्टन र बराक ओबामा सपथग्रहण स्थलमा आइसकेका छन् । बिल क्लिन्टन र हिलारी क्लिन्टन समारोहमा स्थलमा आएका हुन् भने बराक ओबामा र मिशेल ओबामा कार्यक्रम स्थलमा आएका हुन् । अन्य भीआईपीहरु आउने क्रम जारी छ ।

 

10:10AM (EST):दर्शकका स्थानमा झण्डा

विगतका सपथग्रहण समारोहमा दर्शकको भींडभाड हुने स्थानमा अहिले झण्डाहरु फहराइएको छ । समारोहमा उपस्थीत हुन नसकेकाहरुको प्रतिनिधित्वको रुपमा विगतमा झण्डै २ लाख झण्डाहरु फहराइएको छ । विगतका सपथग्रहणमा सांसदले आफ्ना क्षेत्रमा वितरणका लागि झण्डै २ लाख टिकट प्राप्त गर्थे । तर यसपटक कोरोनाको महामारीका कारण जम्मा ३ हजारको हाराहारीमा टिकटसहितका व्यक्तिलाईमात्र क्यापिटल ग्राउण्डमा अनुमति दिइने छ ।

10:00AM (EST): बाइडेनको सपथग्रहण समारोह स्थल

बाइडेन र ह्यारिसको सपथग्रहणका लागि सबै तयारी पूरा भएको छ । सुरक्षा व्यवस्था अत्यन्तै कडा बनाइएको छ ।

बाइडेनको सपथग्रहण समारोह स्थल

9:55AM (EST): यस्तो सपथ लिनेछन् बाइडेन र ह्यारिसले

राष्ट्रपतिका रुपमा जो बाइडेनले सर्वोच्च अदालतका प्रधान न्यायाधिस जोन रोबर्टस्बाट सपथ लिनेछन् । बाइडेनले बाइबललाई साक्षी राखेर सपथ लिनेछन् । आफूले सिनेटर र उपराष्ट्रपतिका रुपमा सपथ लिंदा प्रयोग गरेको बाइबल नै बाइडेनले साक्षी राख्नेछन् ।

उपराष्ट्रपतिका रुपमा कमला ह्यारिसले सर्वोच्च अदालतकी न्यायाधिस सोनिया सोटोमेयरबाट सपथ लिने कार्यक्रम रहेको छ । उनले दुईवटा बाइबललाई साक्षी राखेर सपथ लिनेछिन् ।

सपथग्रहणमा जो बाइडेनले भन्नेछन् – ‘म सम्पूर्ण रुपमा सपथ लिन्छु कि मैले बफादारिताका अमेरिकाको राष्ट्रपतिको कार्यालय संचालन गर्नेछु । आफ्नो क्षमताको उत्तम उपयोग गर्नेछु । अमेरिकाको संविधानको रक्षा, संरक्षण र प्रतिरक्षा गर्नेछु ।त्यसैले मलाई मद्दत गर्नुहोस् भगवान ।’

सपथग्रहणमा कमला ह्यारिसले भन्नेछिन्  -‘म सम्पूर्ण रुपमा सपथ लिन्छु कि मैले सबै घरेलु र विदेशी शत्रुका बिरुद्ध अमेरिकाको संविधानको प्रतिरक्षा र समर्थन गर्नेछु । म त्यही कुराको लागि सत्य विश्वास र बफादार रहनेछु । कुनै जालसाजीको उद्देश्य वा मानसिक दुर्भाव विना नै म स्वतन्त्र रुपमा यो दायित्व लिन्छु । म जहाँ प्रवेश गर्न लागेको छु, त्यो कार्यालयको कर्तब्य मैले राम्ररी र इमान्दारिताका साथ पूरा गर्नेछु । त्यसैले मलाई मद्दत गर्नुहोस् भगवान ।’

 

9:45AM (EST):  केहीबेरमा सपथग्रहण गर्दै बाइडेन र ह्यारिस

आज राष्ट्रपति जो बाइडेनले ४६ औं राष्ट्रपतिका रुपमा सपथ लिदैछन् । सपथग्रहण समारोह अहिले केहिबेरमा सुरु हुँदैछ । उपराष्ट्रपति कमला ह्यारिसले पनि पद तथा गोपनियताको सपथग्रहण गर्नेछिन् । वासिंटन डिसीमा रहेको अमेरिकी संसद भवन क्यापिटल हिलको पश्चिम तर्फको अग्रभागमा सपथग्रहण कार्यक्रम आयोजना हुँदैछ । सन् १९८१ मा अमेरिकी राष्ट्रपति रोनाल्ड रेगनले यही सपथ लिएका थिए । त्यसपछि हरेक राष्ट्रपतिले यही स्थानमा सपथग्रहण गर्दै आएका छन् ।

© 2024 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com