ट्रम्पलाई बिदाई गर्न माइक पेन्स नजाने, बरिष्ठ रिपब्लिकन नेताहरु पनि नजाने


प्रकाशित मिति : माघ ६, २०७७ मंगलबार

❒  ह्वाइट हाउसबाट बिदा भएर फ्लोरिडा जाने क्रममा ट्रम्पलाई बिदाई गर्न उनको राष्ट्रपति कार्यकालका उपराष्ट्रपति पेन्स  नजाने

❒  भोलि विहान ८ बजे ह्वाइट हाउस छाडेर सैन्य बेसमा जाने ट्रम्प त्यहाँबाट विदाई भएपछि फ्लोरिडातिर लाग्ने

❒  ट्रम्पको बिदाईमा बरिष्ठ रिपब्लिकन नेताहरु  मिच म्याक्कोनेल र  केभिन म्याकार्थी पनि  नजाने

❒ खसोखासमा थप समाचारहरुका लागि यहाँ क्लीक गर्नुहोला ।

 

भोलि ह्वाइट हाउसबाट बिदा भएर फ्लोरिडा जाने क्रममा डोनाल्ड ट्रम्पलाई बिदाई गर्न माइक पेन्स नजाने भएका छन् । ट्रम्पको राष्ट्रपति कार्यकालका उपराष्ट्रपति पेन्स भोलि दिउसो नवनिर्वाचित राष्ट्रपति जो बाइडेनको सपथ ग्रहणमा भने उपस्थीत हुने भएका छन् ।

सैन्य क्याम्पमा हुने बिदाई समारोहपछि ट्रम्प फ्लोरिडातिर लाग्ने भएका छन् । बाइडेनको सपथग्रहण समारोहमा उपस्थीत नहुने बताइसकेका ट्रम्पले सपथग्रहण हुनुभन्दा केही घण्टा अगाडि नै ह्वाइटहाउस छाड्ने जनाइएको छ ।

 

मंगलबार माइक पेन्सले आफू र पत्नी करेन पेन्स बाइडेनको सपथग्रहण समारोहमा उपस्थीत हुने बताइसकेका छन् । अमेरिकी संसदभवन क्यापिटल हिलको पश्चिमतिरको अग्रभागमा सपथग्रहण समारोहको आयोजना गरिने भएको छ ।

उपराष्ट्रपतिका रुपमा अन्तिम घण्टाहरु बिताइरहँदा पेन्सले मंगलबार उपराष्ट्रपतिका रुपमा ४ बर्ष सेवा गर्न पाएकोमा धन्यवाद व्यक्त गरेका छन् । उनले भनेका छन् विगत चार बर्ष तपाईको उप राष्ट्रपतिको रूपमा सेवा गर्ने सुअवसरको लागि धन्यवाद । यो मेरो जीवनको सबैभन्दा ठूलो सम्मान हो। दोस्रो महिला, क्यारेन पेन्स र हाम्रो सम्पूर्ण परिवारको तर्फबाट धन्यवाद । भगवानले अमेरिकालाई आशिर्वाद दिउन् ।

ट्रम्पले बुधबार विहान ८ बजे ह्वाइट हाउस छाडेर संयुक्त एन्ड्रयु बेसतर्फ लाग्ने बताइएको छ । ट्रम्पको बिदाईमा माइक पेन्स मात्र नभई अरु कैयन बरिष्ठ रिपब्लिकन नेताहरु पनि नजाने बताइएको छ । सिनेटमा रिपब्लिकन नेता मिच म्याक्कोनेल र हाउसमा रिपब्लिकन नेता केभिन म्याकार्थी पनि बिदाईमा नजाने भएका छन् ।

© 2024 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com