ट्रम्पको विदाई भिडियो सन्देश, नयाँ प्रशासनलाई शुभकामना (भिडियो समेत)


प्रकाशित मिति : माघ ६, २०७७ मंगलबार

❒ ह्वाइट हाउस छाड्दै गरेका राष्ट्रपति डोनाल्ड ट्रम्पको विदाई भिडियो सन्देश सार्वजनिक, आगामी प्रशासनलाई शुभकामना

❒ बिदाई मन्तव्य झण्डै २० मिनेटको, ट्रम्पले भोलि विहान ह्वाइट हाउस छाड्दै

❒ विदाई मन्तब्यमा आफ्नो कार्यकालको उपलब्धीको चर्चा, क्यापिटल हिलमा भएको दंगाफसादबारे पनि चर्चा

❒ खसोखासमा थप समाचारहरुका लागि यहाँ क्लीक गर्नुहोला ।

 

भोलि विहान ह्वाइट हाउस छाड्दै गरेका राष्ट्रपति डोनाल्ड ट्रम्पले विदाई भिडियो सन्देश सार्वजनिक गरेका छन् । ट्रम्पले भिडियो सन्देशमा आफ्नो कार्यकालको उपलब्धीको चर्चा गरेका छन् भने आगामी प्रशासनलाई शुभकामना दिएका छन् ।

ट्रम्पले भनेका छन् -‘यो साता हामीले नयाँ प्रशासनको सुरुवात गर्दैछौं । र अमेरिकालाई सुरक्षित र समृद्ध राख्नका लागि यसको सफलताको कामना गर्दछौं । हामी शुभकामना दिन चाहन्छौं । र उनीहरुलाई अत्यन्तै महत्वपूर्ण शब्द भाग्यले साथ दिएको चाहन्छौं ।’

उनले आफ्ना उपलब्धीहरुको बयान गर्दै अमेरिकी जनताका लागि कडा मिहिनेत गरेको बताएका छन् । उनले आफ्नो कार्यकालमा कुनै नयाँ युद्ध सुरु नगरेको बताएका छन् । कोरोना महामारीका समयमा अमेरिकी अर्थतन्त्र सुस्त गतिमा भएपनि आर्थिक प्रगतिको समेत ट्रम्पले जस लिएका छन् ।

उनले आफ्नो सम्बोधनमा जनवरी ६ मा क्यापिटल हिलमा भएको दंगाफसादको बारेमा समेत चर्चा गरेका छन् । उनले भनेका छन् – ‘क्यापिटल हिलमा भएको आक्रमणबाट सबै अमेरिकनहरु डराए । राजनीतिक हिंशा  हामीले अमेरिकनका रुपमा मनाउने हरेक कुरामाथिको आक्रमण हो । यो कहिले पनि सह्य हुँदैन ।’

ट्रम्पको यो बिदाई मन्तव्य झण्डै २० मिनेटको रहेको छ । ट्रम्पले भोलि विहान ह्वाइट हाउस छाड्दैछन् ।

© 2024 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com