वासिंटन डिसी प्रस्थान गर्नु अगाडि बाइडेनको भावुक सम्बोधन, थाम्न सकेनन् आँशु (भिडियो)


प्रकाशित मिति : माघ ६, २०७७ मंगलबार

नवनिर्वाचित अमेरिकी राष्ट्रपति जो बाइडेनले आज वासिंटन डिसी प्रस्थान गर्नु अगाडि डेलावरमा विशेष सम्बोधन गरेका छन् । सपथग्रहण समारोहको पूर्व सन्ध्यामा गरिएको यो विशेष सम्बोधनमा बाइडेन निकै भावुक भएका थिए ।

बाइडेनले आफ्नो राजनीतिक यात्राका लागि सबैलाई धन्यवाद समेत दिएका छन् । उनले भने -‘म डेलावरको छोरो हुन पाएकोमा गौरव गर्दछु । यो राज्यले मेरा बुबाआमालाई सबैभन्दा धेरै आवश्यक भएको बेलामा आश्रय दियो । हामी जुन स्थानमा पुग्यौं, त्यो यो राज्यले बनायो ।’

भिडियो हेर्नुहोस्

बाइडेनले आफ्ना दिवंगत छोरालाई सम्झेर भावुक भएका थिए । उनले आफ्नो आँशु थाम्न सकेनन् ।

बाइडेन आज दिउसो ३ बजे ज्वाइन्ट बेस एन्ड्रयुजमा आइपुग्ने अपेक्षा गरिएको छ । त्यसपछि उनी कोरोनाबाट अमेरिकामा ज्यान गुमाएका ४ लाखको सम्झनामा आयोजित श्रद्धाञ्जली कार्यक्रममा सहभागी हुनेछन् ।

 

© 2024 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com