७५० मिलियनको मेगा मिलियन डलरको लोटरी आज खोलिदै, इतिहासकै दोश्रो ठूलो
प्रकाशित मिति : माघ २, २०७७ शुक्रबार
❒ आज खोलिने मेगा मिलियन लोटरी मेगा मिलियनको इतिहासमा दोश्रो ठूलो र अमेरिकाको लोटरीको इतिहासमा पाँचौ ठूलो
❒ आज कसैलाई यो चिठ्ठामा ज्याकपट परेमा झण्डै ७ सय ५० मिलियन अमेरिकी डलर प्राप्त गर्ने, एकमुष्ठ नगद लिन चाहेमा झण्डै ५ सय ५० मिलियन अमेरिकी डलर
❒ भोलि खोलिने पावरबल चिठ्ठा पनि ६४० मिलियन डलर, कसैलाई परेमा ६४० मिलियन डलर प्राप्त गर्न सक्ने, एकैपटक नगदमा लिएमा झण्डै ४७८ मिलियन डलर
❒ खसोखासमा थप समाचारहरुका लागि यहाँ क्लीक गर्नुहोला ।
अमेरिकाको इतिहासमा नै दोश्रो ठूलो मेगा मिलियन लोटरी आज बेलुका खोलिदैछ । झण्डै ७ सय ५० मिलियन डलरको मेगा मिलियन ज्याकपट आज खोलिने भएको छ । मेगा मिलियनको इतिहासमा दोश्रो ठूलो यो लोटरी अमेरिकाको लोटरीको इतिहासमा पाँचौ ठूलो हो ।
गत मंगलबार राती कसैलाई नपरेपछि आज शुक्रबार राती अर्को चिठ्ठा खोल्न लागिएको हो । आज कसैलाई यो चिठ्ठामा ज्याकपट परेमा झण्डै ७ सय ५० मिलियन अमेरिकी डलर प्राप्त गर्नेछन् । एकमुष्ठ नगद लिन चाहेमा झण्डै ५ सय ५० मिलियन लिन सकिनेछ ।
मेगा मिलियन चिठ्ठा अमेरिकाका ४४ वटा राज्यहरुमा खेल्न सकिन्छ । साथै वासिंटन डिसी र युएस भर्जिन आइल्याण्डमा पनि खेल्न सकिन्छ ।
त्यस्तै शनिबार खोलिने अमेरिकाको पावरबल चिठ्ठा पनि ६४० मिलियन डलर पुगेको छ । शनिबार कसैलाई चिठ्ठा परेमा उक्त व्यक्तिले ६४० मिलियन डलर प्राप्त गर्न सक्नेछन् । एकैपटक नगदमा लिएमा झण्डै ४७८ मिलियन डलर प्राप्त हुनेछ ।
पावरबल यति धेरै भएको सन् २०१९ को मार्चपछि पहिलोपटक हो । अमेरिकाको लोटरीको इतिहासमा यो आठौं ठूलो हो । पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ ।
गत सेप्टेम्बर १५ यता मेगा मिलियन लोटरी ३४ पटक खोलिएपनि कसैले ज्याकपट जित्न सकेका छैनन् । सेप्टेम्बर १५ मा भने विसकन्सिन निवासीले ११९ मिलियन डलरको ज्याकपट जितेका थिए ।
पावरबल लोटरी पनि सेप्टेम्बर १६ पछि ३४ पटक खोलिसकिएको छ । सेप्टेम्बर १६ मा न्युयोर्क निवासीले ९४ दशमलव ६ मिलियन जितेपछि कसैले पनि ज्याकपट जितेको छैन ।
मेगा मिलियन हरेक मंगलबार र शुक्रबार न्युयोर्क समय अनुशार राती ११ बजे खोलिन्छ । यसको ज्याकपटक जित्नका लागि ३०२ मिलियन टिकटबीच सबैभन्दा धेरै भाग्यशाली हुन जरुरी छ । यो टिकटको मूल्य २ डलर रहेको छ । खेल्ने व्यक्तिले १ देखि ७० भित्रका ५ वटा नम्बर र १ देखि २५ भित्रको एउटा नम्बर छनौट गर्नुपर्छ ।
त्यस्तै पावरबल लोटरी बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ । ज्याकपटक जित्नका लागि २९२ मिलियन टिकटबीच सबैभन्दा भाग्यशाली हुनुपर्छ । यो टिकटको मूल्य पनि २ डलर रहेको छ । खेल्ने व्यक्तिले १ देखि १ देखि ६९ सम्मका ५ वटा नम्बर र १ देखि २६ सम्मको एउटा नम्बर छनौट गर्नुपर्छ ।